Kem Lingón 74:1 - Udél Dwata: Gna Kesfasad ne Lomi Kesfasad

¹ Ó Dwata, moen de ke laen dù tul sónen yóm kekbéem kum? Moen de ke alì lenbutem yó kem kóm ubiha hótób?

Kem Lingón 74:1 Referans Kwoze

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Kem Lingón 79:13

Duhen yó, laen dù tul sónen yóm tendo kdóyón me kóm mi kem kóm tau, yó kem ubiha gel hótóbem. Dóyón me uu efet kól bè yó kem hilu bud lugod me.

Kem Lingón 95:7

Du se yóm kut Dwata, tekuy se kem tau sen-gyoken, lómón ke ubiha gel hótóben. Hol hnungol tekuy kemdaw ni yóm udél Dwata ebélê tekuy, yó monen,

Kem Lingón 44:9

Okóm ni, deng mom kenbéem mi, ne heglaanem mi. Là bud nalakem kul ne yó kem sendalù me ebè gida.

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Isikél 34:31

Yu se yó kem dou ubiha, yóm tendo gel hótóbu. Hol yu se yó kem dou tau ne ou se yóm kuy Dwata, udél yóm sana Dwata hol dandónen geta.” Là gomongen bè nili yóm tsaptér 35. Yó tulónen bè yóm tsaptér ni yóm ktafak Dwata yóm benwu Idom.

Jirimaya 31:37

Yóm là kegbek bemtes yóm longit ne là kegbek hemnagì du yóm but tud blóngón tonok, lómón yó se yóm là kegbeku hlós kembê kul yó kem tau Israél balù yóm tey kwen yó kem salà nmò le. Ou se Dwata yóm mudél ni.

Jirimaya 23:1

Yó udél Dwata, monen, “Ya tey sidek angat ktafaku kul yó kem tau gónó le gel galak yó kem dou tau, abay se deng gotu hensidek le yó kem tau hesegyoku kul ne deng gotu senkla le lu.”

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kem Lingón 77:7

Laen dù tul sónen ne kô yóm kekbê Dwata dou? Là buden hligal béléu ne kô?

Kem Lingón 42:11

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Isikél 34:8

Safau bélê ye hlanu bè yóm là katayu, ou se yóm sana Dwata hol dandónen geta ne ni se yóm dou udél. Yó kem dou ubiha, deng tódô bayà hsék ye lu bè yó kem ógóf lem bnes. Igoen yu yó kem tau hesegyoku kul, moen de ke là hnebel ye kul yó kem dou ubiha deng lana? Són kuy knô yóm sen-gyok ye, fen mom henus ye yó kem dou ubiha.

Kem Lingón 78:1

Ó kem dou tau, hol hnungol ye yóm toloku kuy. Henklingu ye yó kem tulónu kuy.

Kem Lingón 60:10

Deng kenbéem mi ne kô, Dwata? Là budi mung bè yó kem sendalù me ne kô?

Kem Lingón 60:1

Ó Dwata, deng kenbéem mi, ne deng genbaem yóm gónó me gel heklung. Deng lenbutem mi, ni nam bud hulék mi ebéléem.

Kem Lingón 42:9

Dwata se gónóhu hofin. Yó monu mò du, “Moen de ke deng klifótem ou? Moen ni du ke tódô seflós yóm keglayamu lemwót bè yóm tey sidek nmò le béléu yó kem hohonu?”

Kem Lingón 18:8

Hol lómón ke wen kebel semfut gu lem ilungen, ne lómón ke wen ofi msut gu lem baken, mung du bala ofi kemyóngón.

Kem Lingón 10:1

Ó Dwata, moen de ke hlayuki béléu? Moen de ke henbnosem ou bè yóm igoen wen hlayamu?

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Kem Lingón 77:8

Yóm tehe kbong nawan dou là monolen, laen duen ne kô? Yó kem tehe fasaden dou, laen duen ne kô?

Kem Lingón 80:5

Tey sidek kehlóngónem kum nim kmoen ni, lómón ke yó henged tendo ken me. Ne yóm lewok me bè yóm gel kkik me, lómón ke yó henged tendo ninum me.

Kem Lingón 85:6

Bud hnomihem mi anì bud me hligal ebéléem, mi kem kóm tau.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.