Kem Lingón 73:3 - Udél Dwata: Gna Kesfasad ne Lomi Kesfasad

³ lemwót bè yóm alì sidek kélés nawahu yó kem tau hegeta le knô le. Tódô tonu laen dù kat gónón sidek klowil le se kul yó kem tau gel mò sidek.

Kem Lingón 73:3 Referans Kwoze

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Kem Udél Hlalak Tehe Selumun 23:17

Béem hendémê kul kmò klowil yó kem tau gemsalà, okóm hol henlomem kmikò ke Dwata bè klawihem mowil.

Kem Lingón 37:7

Hol hanayem nawam mangat du yóm któbóng Dwata kóm, béi htakas. Béem kenteng mata yó kem tau deng hyu kul kógów klowil, duhen ke yó kem tau deng wen gónón e baling yó kem sidek gel natul le.

Kem Lingón 37:1

Béem kenteng mata yó kem tau gel mò sidek, ne béem nófô yó kem tonem bélê le.

Kem Udél Hlalak Tehe Selumun 24:1

Béem hendémê yóm kul kmò klowil yó kem tau gel mò sidek ne béi se tô mit swè bélê le.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

Kem Udél Hlalak Tehe Selumun 3:31

Béem hendémê kul kmò yó kem tau gel hmugus ne béen wen dnalangem du yóm kul kmò.

Kem Lingón 10:5

Okóm ket nmò le, sal wen uléken. Balù udì ke hendem le yóm kwen tafakem eles mangat kul. Gel senlón le yó kem hohon le.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.