Kem Lingón 73:2 - Udél Dwata: Gna Kesfasad ne Lomi Kesfasad

² Okóm yóm dou, tehe tek udì duen gónóhen tô lana yóm kgel nawahu ke Dwata, deng tô lana kehtahuhu béléen

Kem Lingón 73:2 Referans Kwoze

Kem Lingón 94:18

Yó monu, “Tlokobe.” Okóm yóm là konol yóm kbong nawam dou, Dwata, yó se temgel dou.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Kem Lingón 116:8

Deng lenwà Dwata o bè yóm hatay. Kóhen yóm gónóhu gel mkik, ne hensengen ke wen gónóu btang.

Kem Lingón 38:16

Ni se deng hnihu béléem, deng monu mò kóm, “Hol béi abay móyô ke hligal yó kem hohonu bè yóm kwen desu, ne ke heklabak le bè yóm gfau.”

Kem Lingón 17:5

Tendo lolou yóm kóm lan. Là kóe tlokob bè yóm klolou kóm.

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

Kem Lingón 5:7

Lemwót bè yóm là konolen yóm kbong nawahem dou, gbeku husek elem Gónóem. Lemwót bè yóm kwen klikou kóm, yó gónóhu tmaba ebéléem lem Gónóem.

1 Tutul Israél 22:7

Yó udél Dabid ebè Selumun, monen, “Deng eles natulu yóm tô kehefdau yóm Gónô mò mit yóm boluy yóm sana Dwata hol dou gónó mogot.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kem Lingón 35:13

Okóm bè yóm tehe kwen des le, tey klóngón nawahu kul. Sbole fasting ne mnihe bélê le bè Dwata, okóm yóm knihu yó, tódô mulék laen dù balaen.

Kem Udél Hlalak Tehe Selumun 5:14

Ne ni, deng tey sidek kyaku lem blóng kem dumuhu tau.” Yó se yóm udélen huli selen.