Kem Lingón 72:4 - Udél Dwata: Gna Kesfasad ne Lomi Kesfasad

⁴ Yake hol nfihen yó kem tau élél, ne tnóbóngen yó kem tau laen dù gónó le ma, anì laen dù gmò le bélê le yó kem tau hemgnok kul.

Kem Lingón 72:4 Referans Kwoze

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Kem Lingón 109:31

Yakà du gel mfi du yóm tau laen dù gónóhen htóbóng mò lemwà du lem hólól yó kem tau tô hmatay du.

Deng Hegfan 19:2

Yóm kkukumen tau, hono tahu ne hono tedeng. Deng tnafaken yóm libun hdóyón yó lanen mit kul elem sidek yóm kdéen tau bè klamangen benwu. Deng bnelesen yóm tehe gel khatayen yó kem tóbóng lówóhen.”

Deng Hegfan 18:24

Tódô megtafak yóm syudad Babilun, abay se gotu ton Dwata lemen yóm litô yó kem tehe gna tugoden ne yó kem tau hemtahu béléen tehe bnonok le bè yó. Tahu se, tódô kdê yó kem dumu tau deng tehe hnatay le te tonok, gotu ton Dwata litô le bè yóm syudad bong yó.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kem Udél Hlalak Tehe Selumun 20:26

Yóm tau hol geta hulung hedem dilóen yó kem tau gel mò sidek ne bè yóm ktafaken kul laen kô bud kodu mung du.

Kem Lingón 94:5

Tey kehegnok le yó kem kóm tau, Dwata, hensidek le yó kem tau kenbong nawahem.

Kem Lingón 2:9

Ke wen kembê du yóm kogotem kul, gotu genlaem lu. Yó kmò keglaem kul, lómón ke bnogulem bala tók yóm kuleng tonok, gotu lemusok.’ ” Yó se udél Dwata ebè yóm tau tehe néléken mò mogot benwu.

Job 19:2

“Kmò kegenen de yóm tendo kudél ye sidek etahu ni? Kmò kegenen de yóm tendo ksolò ye dmelem do?

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Isaya 42:3

Kehlingónu du yóm któbóngen kuy, hol lómón ke yu yóm ngà hulu móyón sfék, okóm là kô nan e tenfok du. Ne hol lómón ke yu yóm solok sónmoen mudof, okóm là kô nan hlef du. Du se hol mit du yóm kukum tedeng laen dù sónen bè kdéen tau.