Kem Lingón 72:2 - Udél Dwata: Gna Kesfasad ne Lomi Kesfasad

² anì tedeng kwiten kul yó kem kóm tau, ne anì tedeng snéen kwiten kul yó kem tau gel hen-gnok le.

Kem Lingón 72:2 Referans Kwoze

Isaya 32:1

Bè hulin kdaw angat wen tau hol dandónen geta laen dù kéngen mogot klamang benwu. Ne yó kem smugung béléen, hono tau tedeng kwit le kukum.

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

Isaya 32:17

Lemwót bè yóm kmò le tedeng yóm kdê le, angat tey menek kbenwu le ne laen kô dù tul sónen yóm klaen dù knikò le.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Jirimaya 33:15

Bè yóm kdaw yó, angat hyónu bè yóm gónón myón kmamal Dabid yóm kun sfu tau alì tedeng knawahen. Hono tedeng ne hono hyu yóm angat nmoen bè klamang yóm benwu nogoten.

2 Samwél 23:3

Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,

1 Bok Kem Tau Hol Geta 3:28

Timbow gungol yóm kdê tau Israél yóm kkukum Selumun yó, botong wen klikò le du yóm kdê le, abay se dilô le lemwót bè Dwata yóm khulungen hedem anì tedeng kwiten du yóm kkukumen.

1 Bok Kem Tau Hol Geta 10:9

Hol megdóyón Dwata yóm sana kóm Dwata hol gónó mogot. Deng hegfanen yóm tey kehyu nawan ebéléem bè yóm kehbalingen kóm tau hol geta bè Israél. Lemwót bè yóm klaen dù sónen yóm kbong nawa Dwata yó kem tau Israél, nmoen uu mò tau hol geta bélê le anì wen kukum tedeng lem blóng le.”

1 Tutul Israél 29:19

Blayem ke Selumun yóm ngau yóm óyô mimón du kdê yó kem hlauhem dalang se yó kem dumu hloloem kum. Hol blayem du yóm óyô hemdà yóm kóm Gónô, yakà deng gotu sentifunu du yóm kdéen.”

Kem Udél Hlalak Tehe Selumun 29:14

Yóm tau hol geta ke tedeng yóm kkukumen yó kem tau élél, nan tahà kogoten benwu.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.