Kem Lingón 71:9 - Udél Dwata: Gna Kesfasad ne Lomi Kesfasad

⁹ Ne ni, bè nim deng ktuhahu, béem kó ou. Béem bayà ou bè nim klaen dù bud kgisu.

Kem Lingón 71:9 Referans Kwoze

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

Kem Lingón 73:26

Bè yóm tolo klowilu te tonok, là holen bud metlasik ne kehedemu, ne yóm lówóhu, sónmoen minut lunog. Okóm són Dwata gel temgel dou, ne són kun tóbóng ken-gel nawahu.

2 Samwél 19:35

Deng wolu folò ne halayu, là bud dilóu du ne yóm tilob ne yóm là tiloben. Là bud gnómu du ne nóm ken ne kem tifas grép. Là bud gungolu du ne sngal kem logi ne sngal kem libun. Là hyuhen ke bud henblaten uu yóm sotu tóbóng lówóhem.