Kem Lingón 71:8 - Udél Dwata: Gna Kesfasad ne Lomi Kesfasad

⁸ Yó se gónóhu là semkas du dmóyón kóm, ne sendawu tmulón du yóm tey keklóónem.

Kem Lingón 71:8 Referans Kwoze

Kem Lingón 35:28

Ominu yó tmulón du bè kdéen tau yóm tey ktedeng kkukumem ne yóm tey kehyuhem, ne snilefu kdaw tendo dmóyón kóm.

Kem Lingón 146:2

Klawihu mowil tendo dóyónu Dwata. Ne tendohe gel semngal ebéléen efet kukol towoku.

Kem Lingón 104:1

Hotuhu nawahu dmóyón ke Dwata. Ó Dwata, uu se yóm gónóhu mogot, tey kegetahem. Yó henged nes knóón lesekem, duhen yóm kegetahem ne yóm tey klinggelem.

Kem Lingón 71:24

Snilefu kdaw tendo tmulón du yóm tey ktedeng yó kem gel nmoem, yakà deng le gotu mulék myak ne slaf yó kem tau tô malu hmatay dou.

Kem Lingón 71:15

Tulónu bè kdéen tau hono tedeng yó kem nmoem. Snilefu kdaw heglalag du yóm nawam lemwà tau, balù yóm là hol gotu ketngónu du yóm kdê deng gel nmoem béléu.

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Kem Lingón 96:6

Yó ton béléen yóm tey klinggelen ne yóm tey kegetahen. Yó hol heklóón du yóm kun Gónô, duhen yóm tey kfasangen ne yóm tey ktiloben.