3 Hol lómón ke uu yóm botu bong tendo gónóhu e solu mò gónóhu heklung, mò gónóhu hofin. Géhéli mudél anì gewae, yakà són uu du yóm botu gónóhu heklung ne gónóhu hofin.
Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.
Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.
Tódô ket kdaw Dwata hegfan du béléu yóm kbong nawan dou là monolen. Ket kifuhu semngal du yóm kun sngal, mung bè yóm knihu béléen, yóm Dwata hlowil dou.
Du se yóm Dwata kembong nawa do ne gónów gel hofin. Bud du se yóm mbegel, mò do gónó e hles, ne du se gel lemwà do. Eles mdà bè soluhu mò klungu, ne ebéléen gónóhu e mlo. Hogoten dou yó kem dumu benwu.