Kem Lingón 71:2 - Udél Dwata: Gna Kesfasad ne Lomi Kesfasad

² Lemwót bè yóm tey ktedengem, hol lenwaem ou lem hólól yó kem hohonu. Hol henklinguhem ou, ne lenwaem ou.

Kem Lingón 71:2 Referans Kwoze

Kem Lingón 31:1

Ó Dwata, són béléem gónów hofin. Hol tnóbóngem ou anì laen dù gónów myak. Lemwót bè yóm tey ktedengem, hol lenwaem ou.

Kem Lingón 17:6

Yó gónów mni béléem, Dwata, abay se tngónu yóm kbalaem dou. Hol henklinguhem ou, hnungolem yóm knihu.

Kem Lingón 143:11

Lenwaem ou, Dwata, mò gónón megdóyón boluyem. Bè yóm tey ktedengem, yó gónóhu gewà bè nim gónóhu glayam.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Danyél 9:16

Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

Kem Lingón 143:1

Ó Dwata, hol hnungolem yóm knihu béléem, hnungolem yóm kehkoduhu béléem. Hol bnalaem o, abay se là kóen monol nawahem ebéléu, ne tey tedeng yóm kóm kmò.

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Kem Lingón 17:2

Bè yóm kkukumem dou, hegfanem yóm klaen dù salau, yakà uu du temngón du yó kem tau mò du yóm tedeng.

Kem Lingón 31:2

Henklinguhem ou, hol hnungolem ou. Géhéli hetlasik lenwaem ou. Lómón ke uu yóm botu bong gónów heklung, yóm gónô hofin alì mbegel gónó le là gmafit dou yó kem hohonu.