Kem Lingón 71:1 - Udél Dwata: Gna Kesfasad ne Lomi Kesfasad

¹ Són ebéléem, Dwata, gónów e mlo. Hol béem henyak ou bè là kegmou.

Kem Lingón 71:1 Referans Kwoze

1 Pitér 2:6

Yakà wen yóm monen bè Sulat Dwata, yóm monen, “Wen botu alì mebtes deng tehe eles néléku. Yó se yóm botu alì bong muhen bè yóm gónô hdau bè Sayun. Deng suu bè yó ne. Ke wen tau hemtahu béléen, là kô wen gónón gsel béléen.”

Kem Lingón 22:5

Tmaba le ebéléem, ne gewà le bè yó kem gfà le. Tey kegléd nawa le kóm, ne laen kô gónó le gsel du.

Jirimaya 17:18

Yóm kdê tau tendo hmayam do ni, hol henyakem lu ne hol benlayem lu klikò. Okóm benlayem ou kenek nawa yó dum do. Tahu se, Dwata, hol tennuem yóm hegfaem kul.

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

2 Bok Kem Tau Hol Geta 18:5

Tey ksalig Hisikaya ke Dwata, yóm Dwata yó kem tau Israél. Laen dù tau hol geta bè Juda ke mkél bè Hisikaya yóm kimónen ke Dwata, balù yó kem tau hol geta gegna béléen dalang se yó kem tau hol geta tmodol huli du laen kô dù bélê le mkél du.