Kem Lingón 70:4 - Udél Dwata: Gna Kesfasad ne Lomi Kesfasad

⁴ Okóm kul yó kem tau mebel kóm, yake hol le hligal ebéléem. Ne yó kem tau hemmóyô du yóm kehewaem kul, hol le tendo mensag dé, yó mon le, “Tey alì geta yóm Dwata.”

Kem Lingón 70:4 Referans Kwoze

Lanu Jirimaya 3:25

Tey hyu yóm Dwata bè yó kem tau hemdón du ne mebel du.

Kem Lingón 40:16

Okóm yó kem tau tendo gel hloni ebéléem, yake hol le hligal. Yó kem tau alì hyu nawa le lemwót bè yóm deng kehewaem kul, yake hol mon le, “Tey kegbeken yóm Dwata.”

Kem Lingón 35:27

Okóm hol benlayem lu kligal yó kem tau mfi dou. Tendo gel mon le, “Hol megdóyón Dwata. Hyu nawahen tmóbóng yóm tau tóbóng lówóhen.”

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Kem Lingón 97:12

Yu kem tau mò du yóm tedeng, hol ye hligal bè Dwata. Hol dóyón ye yóm kun boluy.

Kun Snulat Jan 16:20

Tódô tulónu kuy ktahuhen,” monen, “angat tey sidek kedlumu ye mkik, okóm fen le hligal kul yó kem tau là hemtahuhen. Angat tey sidek klangag ye, okóm bud mulék kligal yóm klangag ye yó.

Kem Lingón 5:11

Okóm yó kem tau mlo ebéléem, hligal le se kul. Lemwót bè yóm tey kligal le, tendo sngal le yó kem sngal dmóyón kóm. Nofinem lu anì yó hol le hligal kdê yó kem tau kembong nawa kóm.