Kem Lingón 70:2 - Udél Dwata: Gna Kesfasad ne Lomi Kesfasad

² Hol nmoem gónó le myak ne gónó le slaf yó kem tau tô malu hmatay dou. Ne yó kem tau tendo hligal bè yóm kwen hlayamu, hol nmoem gónó le mulék myak se kul.

Kem Lingón 70:2 Referans Kwoze

Kem Lingón 35:26

Yó kem tau semkuli dou bè yóm kwen gfau, yake hol le bud mulék myak. Yó kem tau hegeta le knô le sentahu, hol hulékem lu myak.

Kem Lingón 35:4

Hol henyakem lu yó kem tau tô hmatay dou. Hol hulékem lu, hesbewegem kehedem le.

Kun Snulat Jan 18:6

Timbow gungol le yóm kmon Jisas du, “Ni se ou,” botong le gotu ghudul semfulék, ne gotu le tegyón.

Isaya 41:11

Angat le mulék myak yó kem tau gel kmutó nawa kuy lemwót bè yóm klaen dù gmò le bélê ye. Yó kem tau mit sfatay bélê ye, angat le matay.

Kem Lingón 109:29

Hol hegfanem bè kdéen tau yóm sidek kyak yó kem hohonu, hol hegfanem lómón yóm nes eles nô bè lówó le.

Kem Lingón 71:13

Yó kem tau gel tmifù dou yó, hol henyakem lu, hol genlaem lu. Hyu ke gotu le mulék myak yó kem tau móyô hemsidek dou yó.

Isaya 28:13

Yó se gónó Dwata tmolok kuy mlan bè ket sotu betek ne bè ket sotu ktol ne bè ket sotu hennagì. Bè yóm angat kegef le kuy sónmò ye tlokob. Ne wen tey halì ye laen kô dù lan ye gewà, yakà deng ye gotu baling tau negef.

Kem Lingón 6:10

Angat le gotu mulék myak yó kem hohonu, mung du yóm tey klikò le. Angat le tódô kendel mlóy semfulék, ya tey sidek kyak le.

Kem Lingón 22:12

Deng snibut le ou yó kem hmohon dou, hol lómón ke safì le tudu. Gotu snibut le ou, hol lómón ke safì le tudu alì lóbô lemwót bè benwu Basan.

Kem Lingón 22:20

Lenwaem ou bè bak sudeng yó kem hohonu. Hol béem blay klowilu bè yó kem ohu lóbô yó.

Kem Lingón 40:14

Yó kem tau hligal lemwót bè yó kem gfau, hol hensengem lu, hol henyakem lu.

Kem Lingón 71:12

Ó Dwata, hol béi hlayuk béléu. Hetlasik tnóbóngem ou dé.

Kem Lingón 141:1

Ó Dwata, tmabahe ebéléem. Géhéli dou. Hol hnungolem yóm kehtóbóngu béléem.