Kem Lingón 7:8 - Udél Dwata: Gna Kesfasad ne Lomi Kesfasad

⁸ Gotu knukum Dwata yóm kdéen tau. Knukumem se ou, Dwata, hlanem bè yóm tedeng tonem béléu, yakà uu se yóm Dwata hol dandónen geta, deng tngónem yóm klaen dù salà deng nmou.

Kem Lingón 7:8 Referans Kwoze

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

1 Tisalunika 2:10

Deng ton ye se kuy, ne deng ton Dwata snéen kun yóm klaen dù belenen yóm gel kmò me bè yóm tehe knô me bélê ye ekni. Hono tedeng. Balù udì ke wen gónó ye gemsanil kum.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Kem Lingón 78:72

Tey hyu kesegyoken kul, abay se hol lemwót bè nawahen, ne tey tilob kesgalaken kul.

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Kem Lingón 41:12

Lemwót bè yóm klaen dù sidek nmou, yó gónóm hlowil dou. Laen kô dù tul sónen yóm kehnóem do bè soluhem.

Kem Lingón 26:11

Okóm béléu, són lolou yóm tedeng. Hol lenwaem ou hlanem bè yóm kkoduhem dou.

Kem Lingón 25:21

Yóm dou kgulit ne dou ktedeng yóm gel mofin dou, abay se uu yóm nefet nawaw.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Kem Lingón 9:8

Knukumen yó kem tau bè klamangen benwu mlan bè ktedengen. Knukumen tau mlan bè klaen dù mtukul nfihen.

2 Tutul Israél 20:12

Ó Dwata yóm hol kum Dwata, là genlaem kul kô bè nim nmò le ni? Là kô gbek me gemmò bélê le ni kem tey genged sendalù alì mbegel tô mundug kum ni. Là tngón me du ke tedu nmò me, okóm són uu gónó me e temngel mò tmóbóng kum.”

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Kem Udél Hlalak Tehe Selumun 19:1

Mom hyu he yóm tau élél laen dù kéngen senta yóm tau book ne gel mò kéng.

Kem Lingón 82:1

Dwata se fen kmukum bè longit, knukumen yó kem tau mogot kukum te tonok.