Kem Lingón 7:6 - Udél Dwata: Gna Kesfasad ne Lomi Kesfasad

⁶ Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

Kem Lingón 7:6 Referans Kwoze

Kem Lingón 44:23

Btiki, Dwata. Moen du ke tlek kóm tungô? Géhéli btik. Béem abay kenbê mi laen dù tul sónen.

Kem Lingón 35:23

Hkuóni kut, Dwata. Hol nfihem ou. Knukumem dou nim salà duón le dou ni. Uu se yóm Dwata hol gónóhu mogot.

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

Isaya 33:10

Yó udél Dwata ebè yó kem tau bè klamangen benwu, monen, “Ni angat wen nmou. Htonu kuy yóm kfasangu.

Kem Lingón 138:7

Anien ke wen tey hlayamu, là kô tódô bayaem do bè lebut yó kem hohonu. Tnafakem lu yó kem hohonu alì lembut. Yóm kóm kegbek angat lemwà do.

Kem Lingón 44:26

Yó ne, Dwata, géhél tnóbóngem mi. Lemwót bè yóm là konolen yóm kbong nawahem kum, géhél lenwaem mi.

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Kem Lingón 103:6

Yóm Dwata, sal gel hlanen yóm kukum tedeng bè yó kem tau gel hen-gnok.

Kem Lingón 78:65

Omin Dwata yó he hetngón, lómón ke tau lomi btik, hol lómón kmoen yóm tau lóbô deng btik bè klengelen.

Kem Lingón 74:3

Hnalakem yóm tey gónón gbà yóm syudad yó, tenngelem yóm alì kegbà kem hohonem yóm Gónóem.

Kem Lingón 73:20

Yóm kul klowil yó kem tau gel mò sidek, lómón ke olo kna. Timbow hlafus là bud tngónem du. Ke tnafakem lu, Dwata, gotu le lana yó kem tau yó.

Kem Lingón 59:5

Ó Dwata yóm Dwata laen dù là gbeken du, yóm Dwata yó kem tau Israél, hekmóni kut nem e tnafak yó kem tau bè dumu benwu gel mò sidek. Hol béem abay knodu yó kem tau gel smukat.

Kem Lingón 35:1

Ó Dwata, hol hnohonem yó kem tau hmohon dou. Hol gnidahem yó kem tau mundug dou.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

2 Samwél 17:14

Yó mon Absalum ne kdê yó kem tau Israél, “Hyu yóm kun hlau Husay, yóm tau Arkayt, senta yóm kun hlau Ahitufél.” Yóm klolò le du yóm mon Husay yó, Dwata se mò du anì là lolò le du yóm hlau hyu Ahitufél, ne anì wen glumfak Absalum.

Kem Lingón 143:3

Deng ktesen o hohonu. Deng tódô hlasaen o bè tonok. Deng tódô lohen ou elem gónón kmifu, hol lómón kmou yóm tau matay deng lebeng.