Kem Lingón 7:4 - Udél Dwata: Gna Kesfasad ne Lomi Kesfasad

⁴ ne ke deng mom bnalau sidek yóm hyu deng nmò weu béléu, duhen ke deng negefu kimu yó kem hohonu, baluen ke laen dù buten,

Kem Lingón 7:4 Referans Kwoze

Kem Lingón 55:20

Yóm tehe dou wè yó, deng mom hohonen ou, nuléhen yóm deng fasaden dou.

1 Samwél 24:7

Duhen yó, tey kbólów Dabid yó kem tauhen anì là hnatay le ke Sol. Kewót Sol bè yóm kilib yó ne hlós ebè yóm gónón e solu.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Kem Lingón 109:5

Yóm hyu nmou bélê le, mom bnalà le sidek, yóm kbong nawahu kul, mom bnalà le utó nawa.

1 Samwél 26:24

Tey mebtes béléu yóm klowilem kemdaw ni, yake hol lómón yó se kebtesen bè Dwata yóm dou klowil. Dwata he hol lemwà do bè kdê yó kem glumfaku.”

1 Samwél 22:14

Yó balà Ahimélék du, monen, “Là, Sér. Bè kdê yó kem tóbóng lówóhem yó alì gulit bélê le, duhen yóm towuhem Dabid. Lelen yó he du kmandér bè yó kem sendalù mò mentey kóm. Ne yó kem tau bè gónô bongem tey kadat le du.

1 Samwél 20:1

Kewót Dabid bè yó mlóy gu bè Nayut yóm benwu snakuf Rama, nan e hnebel Junatan ne monen mò du, “Tedu deng nmou du? Tedu se salau du? Tedu se deng nmou sidek bè maem ke tô hnatayen ou?”

Tekang Kbuten 44:4

Timbow là deng le hol mayuk he bè yóm syudad yó, yó mon Jusif bè yóm tau snaligen bè gónóen, “Hetlasiki, ktesem lu tu kem tau tu koni. Sok gafitem lu, snólókem lu, monem, ‘Moen ke bnalà ye sidek yóm tey kehyu nmoen bélê ye yóm gónóhu mogot?

1 Samwél 26:21

Ne yó mon Sol, “Denge gemsalà se ni. Ó ngau Dabid, semfuléki edini. Là bud nifis hnatayu kóm ne, yakà teyen mebtes béléem yóm dou klowil bè nim kdaw ni. Tey ungel yóm nmou béléem. Tey sidek nim nmou ni.”

Tekang Kbuten 44:9

Na, Sér, ke wen bélê me gónóm mton du yóm hnebelem yó, tódô hatay tafakem du ne yóm dù tebel bélê me tódô henbalingem mò hesek yóm gónóhem mogot.”

2 Samwél 16:8

Deng bneles Dwata uu bè yóm litô Sol ne yó kem fes lówóhen, yakà deng nledem du yóm kgetahen. Okóm ni, deng blay Dwata elem hólól ngaem Absalum yóm kogotem benwu. Ngem, deng bud mulék etahem yóm tehe gel nmoem, yakà tauhi monok.”

Job 31:7

Ke deng senyatu yóm lan tedeng, duhen ke deng lolou yóm gel nóyô matahu, duhen ke deng wen dumu sidek gel nmò tdoku,

Job 31:22

hol tfok he sigelu ne hol skó bè yóm abalu.

Kul Nmò 16:28

Okóm kendel hetê ebéléen Pol, monen, “Bê. Béem nmò yó. Tolo me nô bè ni he kdê me.”