Kem Lingón 7:2 - Udél Dwata: Gna Kesfasad ne Lomi Kesfasad

² Ke là lenwaem dou nsék le ou, lómón ke liyun le, dyol le ou mayuk anì laen dù lemwà dou.

Kem Lingón 7:2 Referans Kwoze

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

Kem Lingón 35:15

Okóm ni, deng le mom hligal bè yóm kwen gfau. Mo le mom hligal stifun hmohon dou. Balù yó kem tau là tngónu kul, sana kutó nawa le dou, ne là kóen skó tendo khohon le dou.

Kem Lingón 22:13

Mngel le mnanga ebéléu, lómón ke liyun le, nódód nsék le ou.

Kem Lingón 17:12

Hol lómón ke liyun le alì sidek kbitil le, nódód nsék le ou, ne lómón kem ngà liyun hebnos, mangat le mò kenfô le.

Kem Lingón 10:9

Eles le hmilung mangat lómón liyun, hnilung nangat kenfô le yó kem tau laen dù gmò le. Ke deng gekfô le lu, omin le kendel demyol kul lem holot le.

2 Samwél 14:6

Wen lewu ngau logi, ne sfatay le ditu bè uma, ne laen dù tau bè yó mò semkó kul. Yó gónóm mon, matay yóm sotuhen.

Dwata 33:20

Yó udél Musis gbak ebè yó kem sfu Gad, monen, “Hol dóyón tekuy Dwata, yóm deng hlamang yóm kul tonok yó kem sfu Gad. Ke hningónu lu, hol le skél bè yóm liyun fen mangat bè lan, mebel kenfóen. Msék le sigel, duhen ke sigu.

Kem Lingón 11:1

Són Dwata yóm dou snalig mò gel mofin dou. Moen se ke mon ye mò dou, “Mlóyi etu lem bulul anì laen dù hemenem.”

Kem Lingón 16:1

Ó Dwata, hol nofinem ou. Són uu snaligu mò gónóhu heklung.

Kem Lingón 31:2

Henklinguhem ou, hol hnungolem ou. Géhéli hetlasik lenwaem ou. Lómón ke uu yóm botu bong gónów heklung, yóm gónô hofin alì mbegel gónó le là gmafit dou yó kem hohonu.

Kem Lingón 59:2

Hewaem ou bè yó kem tau gel mò sidek, bè yó kem tau gel monok.