Kem Lingón 7:16 - Udél Dwata: Gna Kesfasad ne Lomi Kesfasad

¹⁶ Bud mulék eta le yóm sidek tô nmò le bè dumu tau. Natul le hemsidek dumu tau, okóm bud mulék eta le.

Kem Lingón 7:16 Referans Kwoze

Istér 9:25

Okóm mógów ebè yóm tau hol geta Istér ne yó nmò yóm tau hol geta yó, wen udin nmoen anì mulék eta Haman yóm sidek tô atulen bè yó kem Ju. Mom Haman hetléwéng le, mung tléwéng le béléen yó kem ngaen logi bè yóm koyu tehe hefdaen.

1 Bok Kem Tau Hol Geta 2:32

Hbayad Dwata du yóm khatayen yóm lewu kem tau hyu sentahen. Abay se yóm tehe khatayen kul le Abnér ngà Nér yóm kmandér bè yóm sendalù Israél, ne Amasa ngà Jétér, yóm kmandér bè yó kem sendalù Juda, laen dù ke mà du.

Kem Lingón 36:12

Tenngelem dé. Deng le gotu masà. Deng le gotu masà, là kô le bud gebtik.

1 Samwél 28:19

Haya, angat blay Dwata uu ne yó kem sendalù Israél elem hólól yó kem Flistin. Haya nói béléu bè ni se kóm dalang se yó kem ngaem logi. Ne gotu blay Dwata lu yó kem sendalù Israél elem hólól yó kem Flistin.”

1 Samwél 26:10

Tódô tulónu kóm ktahuhen hlanu bè boluy yóm Dwata là matayen, Dwata se angat hmatay du hlanen bè des duhen ke bè gida.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

1 Bok Kem Tau Hol Geta 21:19

Tulónem du, monem, ‘Ni se udél Dwata. Deng hnatayem yóm tau fun yóm tonok ni, ne ni tô nledem kô yóm tehe nfunen? Lemwót bè yóm deng nmoem ni, hol seblà bè yóm gónó le dmilut litô Nabot yó kem ohu, bud bè yó se gónó le seblà dmilut yóm kóm litô.’ ”

Istér 7:10

Tahu se, tléwéng le Haman bè yóm koyu tô hefdaen bè Murdikay. Ominen yó he malù lembó kebut yóm tau hol geta.

Job 4:8

Ni se yóm dou deng ton, ke wen sidek hulu yó kem tau bud sidek se nuta le.

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

Kem Lingón 35:8

Yó gónóm mon, hol kendel wen heglumfakem kul. Hol lu tles bkó bè yóm holot tgama le dou. Hol lu tles btang bè yóm sol nokol le béléu.

Kem Lingón 57:7

Tek sónen uu, Dwata, yóm gónón hol nô nawahu. Lingónu yóm lingón dmóyón kóm.

Kem Lingón 141:10

Bud lu he tles bkó du yó kem holot le yó, okóm fen hefewaem ou do.

Kem Udél Hlalak Tehe Selumun 1:19

Lómón se ni gónó le e kól yó kem tau ma kimu mlan bè hugus. Ne bud bè yóm khugus le kimu gónó le matay.

Kem Udél Hlalak Tehe Selumun 26:27

Yóm tau mokol sol mò gónón hebtang kdumun mom du bud btang e lemen ne yóm tau hemluy botu ebè kdumun mom du yóm bud gónón e mluy.