Kem Lingón 7:12 - Udél Dwata: Gna Kesfasad ne Lomi Kesfasad

¹² Ke là hegselen yóm tau, yó nmò Dwata, eles gel néhéken sudengen, eles gel bentulen bohohen.

Gade chapit la Kopi

« Previous

tounen moute ⬆

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Gade chapit la

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Gade chapit la

Bud ni se udél yóm Dwata hol dandónen geta, monen, “Duhen ni, kem tau Israél, angat knukumu yu ket kuy na sotu lemwót bè yó kem deng nmò ye. Knogol ye ne yó kem sidek gel nmò ye anì là gwiten kuy lem hatay.

Gade chapit la

Dwata 32:41

Néhéku sudengu, yóm sudeng tódô smilà, naw hegfan dé yóm kukum tedeng. Bnelesu lu yó kem hohonu, ne tnafaku yó kem kmutó nawa dou.

Gade chapit la

Kem Lingón 85:4

Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.

Gade chapit la

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Gade chapit la

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Gade chapit la

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Gade chapit la