Kem Lingón 7:10 - Udél Dwata: Gna Kesfasad ne Lomi Kesfasad

¹⁰ Dwata se kemlung dou, gel hewaen yó kem tau mimón du.

Kem Lingón 7:10 Referans Kwoze

Kem Udél Hlalak Tehe Selumun 28:18

Yóm tau laen dù belenen tey hyu knóen, okóm yóm tau là tedeng kmoen mekto keglaen.

Kem Lingón 125:4

Ó Dwata, hol nmoem yóm hyu bè yó kem tau gel mò du yóm hyu, bè yó kem tau gel mimón yó kem hlauhem.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Udél Hlalak Tehe Selumun 11:20

Tey keklit Dwata kul yó kem tau seblékê kehedem le, okóm bè yó kem tau laen dù belenen yóm kehedem le, tey kligalen bélê le.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Udél Hlalak Tehe Selumun 2:21

Yakà tek són yó kem tau tedeng kmò le gmuta du yóm kehyu nawa Dwata ebélê le ne lemwót bè yóm klaen dù belenen yóm kul kmò gónón tahà ktau le lem nim benwu ni.

Kem Lingón 112:2

Yó kem ngaen, angat le tey mbegel lem benwu. Ne yó kem semfu gu béléen, angat tey któbóng Dwata kul.

Kem Lingón 89:18

Uu se, Dwata, deng tehe mélék du bélê me yóm tau mò mofin kum, yakà uu du yóm Dwata yó kem tau Israél yóm Dwata laen dù belenen. Uu se tehe mélék du yóm tau mò tau hol geta bélê me.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

2 Tutul Israél 6:30

hol hnungolem lu dyó bè yóm gónóem nô bè longit, ne hnifótem lu. Hol nmoem bè ket kóm tau yóm hyu béléen, abay se tek són uu temngón du yóm nô lem hendem tau.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”