Kem Lingón 7:1 - Udél Dwata: Gna Kesfasad ne Lomi Kesfasad

¹ Ó Dwata yóm dou hol gónó mogot, són ebéléem gónów hofin. Lenwaem ou bè yóm kdê tau kemtes dou, hol lenwaem ou, Dwata.

Kem Lingón 7:1 Referans Kwoze

Kem Lingón 31:15

Denge nô lem hólólem efet kól elem hulin kdaw. Hol lenwaem ou bè yó kem hohonu tendo kemtes huli dou.

Hbakuk 3:1

Ni se hni Hbakuk bè Dwata yóm sotu tugod Dwata, bede lingónen.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Jirimaya 15:15

Ominu yó mudél ebè Dwata, monu, “Ó Dwata, tódô uu ne temngón du yóm kdéen. Hol hendemem o ne hol tnóbóngem o. Hbelesem dou yó kem tau tô hmatay do. Béem tlek hanay nawahem bélê le ni kem tau ni. Ke tô hanayem nawam déke wen kdaw le hmatay dou. Hendemem dé lemwót bè yóm ktugodu kóm gónów glayam bè yó kem tau.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kem Lingón 89:26

Yó angat mon Dabid mò dou, ‘Uu se dou Mà, ne uu se yóm dou Dwata. Ne bud uu se yóm gónóhu gel heklung, ne yóm gel lemwà dou.’

Kem Lingón 43:4

Ke lómón yó nmoem béléu, Dwata, angate gógów ebè yóm gónó me gel demsù ebéléem. Tek són uu gónóhen lemwót yóm kligalu. Angate gel hemglung ne semngal mò lanu dmóyón kóm, Dwata. Uu se yóm Dwata dou hentahu.

Kem Lingón 32:10

Yó kem tau là mimón ke Dwata, tey dê gónó le glayam. Okóm yó kem tau genléd nawa le Dwata, tendo nofinen lu mlan bè yóm kbong nawahen kul.

Kem Lingón 30:12

Yó se gónóhu semgal yóm sngal dmóyón kóm, ne là kóe tódô yem. Ó Dwata, yóm Dwata hol gónó mogot, ne laen kô dù tul sónen yóm kdóyónu kóm yó.

Kem Lingón 30:2

Ó Dwata yóm sana dou Dwata hol gónó mogot, denge mni tóbóng béléem, ne gotu hkóhem béléu yóm desu

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Kem Lingón 18:28

Ó Dwata yóm Dwata hol gónóhu mogot, uu se dou layag. Tendo hlayagem yóm gónón kmifu béléu.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Kem Lingón 13:5

Okóm snaligu yóm là konol yóm kbong nawam dou. Hligale, abay se dohò yóm kehewaem dou.

Kem Lingón 13:3

Tenngelem ou, Dwata yóm sana Dwata hol dou gónó mogot, ne bnalaem ou. Hlowilem ou anì là mataye.

Kem Lingón 11:1

Són Dwata yóm dou snalig mò gel mofin dou. Moen se ke mon ye mò dou, “Mlóyi etu lem bulul anì laen dù hemenem.”

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.