Kem Lingón 69:8 - Udél Dwata: Gna Kesfasad ne Lomi Kesfasad

⁸ Balù yó kem dumuhu setwoli, lómón ke olohe tau milo ebélê le. Senged se yó kem dou fes lówó, lómón ke tólónge tau bélê le.

Kem Lingón 69:8 Referans Kwoze

Kem Lingón 31:11

Tey kkuli le dou yó kem hohonu, botong kenhisik le ou yó kem dumuhu sebét. Balù yó kem weu, là kô le hloni ebéléu. Mom senyat le ou ke ton le ou bè lan.

Kun Snulat Jan 1:11

Deng tódô kól bè yóm hol kun benwu, okóm mom là dog henmóyô le du yó kem kun tau.

Kun Snulat Jan 7:5

(Yó se udél le ebè Jisas, abay se balù yóm kessetwoli le, là kô hentahu le du.)

Kem Lingón 38:11

Kem weu ne yó kem dumuhu, gotu le hlayuk béléu, kenhisik le yóm desu. Balù yó hem hol dou fes lówó, sana kehlayuk le béléu.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

1 Samwél 17:28

Okóm gungol Ilyab yóm twogu Dabid, yóm kestulón Dabid bè yó kem tau yó ya tey sidek kebuten du, yó monen mò du, “Moen du ke nói bè ni? Tau du se hbenteyem yó kem ubiha là wen ditu bè yóm benwu laen hol wen tauhen? Tngónu se yóm tey kehegmónem ne yóm sidek gel nô lem hendemem. Yó nógówem olom temngel sfatay.”

Matyu 26:56

Okóm nim nmò ye béléu ni, deng gónón dohò yóm tehe hsulat Dwata yó kem gna tugoden.” Bè yóm kekfô le ke Jisas yó, deng mom gotu sentagak yó kem gel lemolò du, mlóy le.

Kem Lingón 89:51

Hono hohonem, Dwata, yó kem tau hemnê yóm tau hol geta deng nélékem. Kihu gónón e solu, tendo hennê le.

Kem Lingón 89:52

Hol bê tekuy lensón yóm kdóyón tekuy ke Dwata yóm hol gónó tekuy mogot. Hono tahu se yóm utóm lingónu ni.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Isaya 53:4

Okóm yóm keglayam alì henbalahen yó ne yóm alì sidek kegnómen du yó, kut se funen. Ofo kut hemdem du yóm alì hlayamen yó ke tafak Dwata du.

Jirimaya 15:15

Ominu yó mudél ebè Dwata, monu, “Ó Dwata, tódô uu ne temngón du yóm kdéen. Hol hendemem o ne hol tnóbóngem o. Hbelesem dou yó kem tau tô hmatay do. Béem tlek hanay nawahem bélê le ni kem tau ni. Ke tô hanayem nawam déke wen kdaw le hmatay dou. Hendemem dé lemwót bè yóm ktugodu kóm gónów glayam bè yó kem tau.