Kem Lingón 69:4 - Udél Dwata: Gna Kesfasad ne Lomi Kesfasad

⁴ Tey dê kem tau kmutó nawa dou balù yóm klaen dù duón le dou. Ke nsóhem lu, bong le wen senta yó kem balu weku. Tey dê udél le gbak ebéléu hono kéng. Tey le kemgis yó kem tau yó, kóyô le ke ghatay le ou. Laen kô dù deng hennagawu bélê le, okóm deng mom henni le ou swì.

Kem Lingón 69:4 Referans Kwoze

Kun Snulat Jan 15:25

Ni se deng kdohoen yóm tehe monen bè sulat Dwata, yóm monen, ‘Tódô knutó nawa le ou là duón.’”

Kem Lingón 35:19

Hol béem abay hlus lu yó kem hohonu tmulón kéng yó ke hligal le bè yóm là kegmou. Hol béem abay hlus lu yó kem tau kmutó nawa dou hkawang ke hligal le bè yóm kwen knangagu.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Kem Lingón 40:12

Tey dê yó kem mgel smibut dou, là kô gbekem msó kul. Deng gotu gfan ne yó kem salà deng nmou, ne ni là bud tngónu du kmò kehedemu. Ke nsóhu yó kem salau, bong wen senta yó kem dou balu wek. Yó mò dou, denge mom baling likò.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

1 Pitér 2:22

Laen kô dù salaen se kun, ne laen kô dù kéng deng btang bè sumóngen.

Kem Lingón 59:3

Deng wen gónó le hmékét dou. Kem tau alì lóbô fen mangat dou bè yó, yakem wen sem salà deng nmou bélê le, Dwata.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Kem Lingón 6:7

Tendo lembóg matahu lanu alì mkik. Nkiku yóm tendo nmò le béléu yó kem hohonu.