Kem Lingón 69:16 - Udél Dwata: Gna Kesfasad ne Lomi Kesfasad

¹⁶ Hol bnalaem ou, Dwata, lemwót bè yóm là konolen yóm kbong nawahem dou. Beklili ebéléu lemwót bè yóm kkoduhem dou.

Kem Lingón 69:16 Referans Kwoze

Kem Lingón 109:21

Okóm, Dwata yóm Dwata hol dandónen geta, hol tnóbóngem ou anì megdóyón yóm kóm boluy. Lemwót bè yóm alì kehyuhen yóm kbong nawahem do, hol lenwaem ou.

Kem Lingón 25:16

Beklili ebéléu, Dwata, ne hol knoduhem ou, yakem wen sem dumuhu, lelen tey sidek kegnómu du.

Kem Lingón 63:3

Yóm là konol nawahem ebéléu, tey bong muhen béléu he yó senta yóm klowilu. Yó gónóhu hol dmóyón kóm.

Mika 7:19

Angat bud knoduhem mi. Tódô gotu lenuna ndaem yó kem salà me ne botem etu etlaan bè sokol mohin.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Kem Lingón 69:13

Okóm béléu dou, Dwata, tódô senflósu mni béléem. Hol bnalaem ou sok kól yóm kdaw tngónem hyu béléu. Hol bnalaem ou lemwót bè yóm kbong nawahem dou, ne lemwót bè kdohò yóm fasadem lemwà dou.

Kem Lingón 51:1

Ó Dwata, lemwót bè yóm là konol nawahem ebéléu, hol knoduhem ou. Lemwót bè yóm alì kkoduhem dou, hol kóhem béléu yó kem salau.

Kem Lingón 26:11

Okóm béléu, són lolou yóm tedeng. Hol lenwaem ou hlanem bè yóm kkoduhem dou.

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Kem Lingón 36:7

Tey mebtes béléu, Dwata, yóm kbong nawam dou là monolen. Yóm kdéen tau te tonok, sal laan hafakem gónó le e mlo.

Kem Lingón 18:5

Lómón ke deng nféten ou hatay. Lómón ke deng wen holoten suen bè lanu.