Kem Lingón 69:1 - Udél Dwata: Gna Kesfasad ne Lomi Kesfasad

¹ Ó Dwata, hol lenwaem ou. Lómó kegnómu du, lómón ke mifale él deng són bè liholu.

Kem Lingón 69:1 Referans Kwoze

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Deng Hegfan 17:15

Ne bud monen mò do yóm hógów Dwata yó koni, monen, “Yó kem él gónón myón yóm libun hdóyón yó, hnigaden yó kem tey genged tau lemwót bè ket benwu, ne bè ket but tau, ne bè ket kay udél tau.

Isaya 28:17

Yó henged btes mò hemtedeng du yóm nmou bè yó, duhen yóm ktedeng kogot le kukum yó kem tauhen ne yóm klaen dù kéng le.” Là gomongen bè nili yóm bérs 18 kól bè 29. Yó tulónen bè ni kem bérs ni yóm tulón Isaya gbak ebè yó kem kmamal bè Jirusalim. Lemwóten bè yóm kmò le kéng ne ksukat le, angat mekto kkól Dwata lem blóng le mung du yóm tey kebuten, hol lómón yóm deng nmoen bè yó kem hohon le. Okóm bè yóm kógówen ni, monen bè bérs 21, “Angat kól mò yóm hentaw ton là deng hnikót ton ye du. Angat kól mò gemlà yó kem kun tau.” Là gomongen bè nili yóm tsaptér 29. Bud htulón Dwata ke Isaya ebè yó kem tau bè Jirusalim yóm kdohò ktafaken kul, abay se deng du yóm hmohon kul. Deng lenibuten Jirusalim nan e nundug lu. Ke deng kundugen kul, ominen kendel bud mundug yó kem hohon le. Bè bérs 13-16, yó udél Dwata gbak ebè yó kem kun tau, monen, “Ni kem tau ni, mon le tauhu lu. Gel mon le tey nadat le ou, okóm olon són bè udél le, tey mayuk béléu yó dum nawa le. Angat dohò genlau lu yó kem tau gel bemnos atul béléu, yó kem tau gel bnos le yó kem sidek gel nmò le. Yó hendem ye, ‘Là kô tonen tekuy Dwata, là kem tngónen du he.’ Tey alì keheklabak ye nim yu! Igò sem Dwata yóm gel mifil ne du se yóm alì geta senta ye.” Dohò yóm keglà le ni kem tau lómón ni, ne angat dohò snéen yóm keglà yó kem hohon le.

Kem Lingón 69:2

Lómón ke denge gebeng lem hitok, là kóe gemdà tonok. Tey nelem yóm él gónóhu geblos, udì duen gónóhu là lemneb.

Kem Lingón 60:1

Ó Dwata, deng kenbéem mi, ne deng genbaem yóm gónó me gel heklung. Deng lenbutem mi, ni nam bud hulék mi ebéléem.

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Kem Lingón 32:6

Duhen yó, Dwata, yake hol le mni béléem yó kem kóm tau ke wen blat sut bè klowil le. Ke yó nmò le, baluen ke tódô dmunuk eta le yóm tey mgel, là kô gwiten kul.

Kem Lingón 18:4

Yóm hatay, hol lómón ke fét bkes bè lówóhu, ne hol lómón ke dunuk bong kmifus tahu.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.