Kem Lingón 67:4 - Udél Dwata: Gna Kesfasad ne Lomi Kesfasad

⁴ Yake gotu le hligal semngal yóm kdéen tau bè klamangen benwu, abay se tey tedeng yóm kkukumem kul. Gotu sen-galakem yó kem tau bè ket benwu talak tonok.

Kem Lingón 67:4 Referans Kwoze

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Kem Lingón 9:8

Knukumen yó kem tau bè klamangen benwu mlan bè ktedengen. Knukumen tau mlan bè klaen dù mtukul nfihen.

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.

Kem Lingón 96:10

Yó hol tulón ye bè kem tau bè klamangen benwu, mon ye mò kul, “Yóm Dwata, du se yóm hol dandónen geta kmamal yóm klamangen. Tey mbegel kmoen du yóm benwu, là kóen sliwo. Angat knukumen yóm kdéen tau, ne tey tedeng yóm kkukumen kul.”

Kem Lingón 2:8

Mnihi béléu dé anì blayu kóm yóm kdéen benwu talak tonok. Angat kóm funen yóm klamangen.

Dwata 32:43

Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Glasya 4:27

Wen monen bè Sulat Dwata gbak ebè Sara, yó monen, “Holi hligal dé, libun atil. Baluen ke là deng gnómem du yóm kkuleng ngà, holi hngawê dé. Anien ke deng tnagaken uu yóm tuha logihem, kaem bud semfulék ebéléem he. Ne mom dê he kóm ngà senta yóm libun là tnagak yehenen du.”

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Isaya 54:1

Ó Jirusalim, hol lómón ke tehe uu yóm libun atil laen dù ngaen. Okóm ni, holi semngal ne holi hligal hegwoy, abay se angat tey dê ngaem senta yóm libun là tnagak yehenen du.

Isaya 60:6

Angat tonem yó kem genged kamél lemulón stodol gu bè benwu Midyan ne Ifa. Wen se lemwót gu bè Siba, mit le tahu blówón ne insinsu. Angat wen hyu tulón nit le, duhen yóm deng nmò Dwata bélê le.