Kem Lingón 67:3 - Udél Dwata: Gna Kesfasad ne Lomi Kesfasad

³ Yake hol dóyón le uu, Dwata, yó kem tau. Yake kdéen tau bè klamangen benwu gotu dmóyón kóm.

Kem Lingón 67:3 Referans Kwoze

Kem Lingón 74:21

Hol béem abay bayà ke wen gónó le hemyak kul yó kem tau deng hen-gnok. Mom hyu he ke dóyón le u yó kem tau élél ne yó kem tau laen dù gónó le ma.

Kem Lingón 67:5

Yake hol dóyón le uu, Dwata, yóm kdéen tau. Yake kdéen tau bè klamangen benwu gotu dmóyón kóm.

Kem Lingón 142:7

Hol kóhem tahu yóm alì hemblat do. Ke yó se nmoem béléu, nénégem angat tey kdóyónu kóm. Angat le gotu stifun béléu yó kem tau tedeng kmò le lemwót bè yóm tey kehyu nmoem béléu.”

Kem Lingón 119:175

Hlowilem o anì tendo dóyónu u, ne yó kem hlauhem yóm tendo tmóbóng do.

Kem Lingón 45:17

Lemwót bè nim klingónu kóm ni, là kóen lana yóm boluyem bè yó kem angat lugodem. Yó gónóm mon, laen kô dù tul sónen yóm kdóyón le kóm yó kem tau.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Mika 5:3

Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.