Kem Lingón 67:1 - Udél Dwata: Gna Kesfasad ne Lomi Kesfasad

¹ Ó Dwata, hol knoduhem mi, ne hol knudungem mi. Htonem kum yóm alì kehyu nawahem ebélê me

Kem Lingón 67:1 Referans Kwoze

Kem Lingón 4:6

Tey dê tau mon du, “Wen kô gembek mò du bélê me yóm hyu?” Ó Dwata, hegfanem bélê me yóm tey kehyuhem.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Kem Lingón 4:1

Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Kem Lingón 119:135

Knudungem ou mlan bè yóm kbong nawahem dou. Hol tolokem dou yóm kdê hlauhem.

Kem Lingón 31:16

Hol hendemem yóm tau tóbóng lówóhem. Lenwaem ou mlan bè yóm kbong nawam dou là monolen.

Kem Lingón 80:19

Ó Dwata yóm mogot kum, bud hulékem mi ebéléem, yakà uu du se yóm laen dù là gbeken du. Hol knudungem mi, són se bè yó gónó me gewà.

Kem Lingón 80:7

Ó Dwata, bud hulékem mi ebéléem. Hol knudungem mi, són se bè yó angat gónó me gewà.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

2 Kurin 13:14

Yó hem gónó tekuy mogot Jisas Krays hol tendo tmóbóng kuy, ne tendo gfan bélê ye he yóm kbong nawa Dwata kuy, ne yóm knóen bélê ye yóm Tulus Dwata.

Kem Lingón 28:9

Ó Dwata, hol hewaem yó kem kóm tau. Tnóbóngem yó kem tau Israél, kem tau deng kóm nfun. Nalakem lu lómón yóm tau semgyok ubiha, ne laen kô dù tul sónen yóm ksiwihem kul yó.

Kem Lingón 6:1

Ó Dwata, béem nudél ou ke mlan bè kebutem, ne béem abay tnafak ou ke hlanem bè alì kebutem.

Kem Lingón 76:1

Tey tótól Dwata bè benwu Juda. Tey megdóyón boluyen bè benwu Israél.