Kem Lingón 66:3 - Udél Dwata: Gna Kesfasad ne Lomi Kesfasad

³ Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Kem Lingón 66:3 Referans Kwoze

Kem Lingón 18:44

Uni le mungol dou, tódô henmung nimón le ou. Gotu le heglaan béléu yó kem tólóng tau.

Kem Lingón 65:5

Ó Dwata, yóm gel lemwà kum, gel bnalaem se yóm kni me béléem mlan bè yóm kehegmoem kum bè kem hohon me. Tey dê hentaw ton nmoem mò gónóm lemwà kum. Gotu snalig le uu yó kem tau bè klamangen benwu. Balù yó kem tau fatu mohin, snalig le uu snéen kul.

Kem Lingón 81:15

Yó kem tau kmutó nawa ke Dwata, gotu le hegdungul bè soluhen lemwót bè klikò le, ne laen kô dù tul sónen yóm ktafaken kul.

Kem Lingón 47:2

Yóm Dwata gónó tekuy mogot, du se hol dandónen geta bè kdéen, yake hol wen klikò tekuy du. Du se yóm hol dandónen geta kmamal yóm klamangen.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Isaya 2:19

Bè yóm kdaw kkól Dwata na a kminsig klamangen tonok, yó nmò yó kem tau gotu le hebnos bè tu kem kilib bè but yó kem léhék ne yó kem dumu gotu le mokol sol lem tonok mò gónó le hebnos, tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Isaya 64:3

Lómón yó se yóm tehe nmoem ekni, tódói sut lem blóng me ne tey tehe sidek knikò yóm hetnga nmoem. Gbót le likò se kul yó kem bulul, gotu le megsinsig.

Kem Lingón 76:12

Sal gel heglaan Dwata yó kem ngà tau hol geta hegeta knô, ne du se knikò yó kem tau hol geta bè klamangen benwu.

Kem Lingón 68:30

Nudélem yó kem benwu hohonem. Hol lómó kmò le, lómón yó kem ógóf lóbô nô lem teblow, ne hol lómón kmò le yó kem safì tudu mung bè yó kem ngà safì. Hol heglaanem yó kem tau bè dumu benwu wen gel hbayad le kum. Gotu senklahem lu yó kem tau bè yó kem benwu alì móyô mò gida.

Kehewà 15:21

Omin Miryam lemingón bélê le, yó lingónen, “Lemingón tekuy ebè Dwata lemwót bè yóm tey deng kegmoen bè yó kem hohon tekuy. Tudaen elem él yó kem kudà le, mung du yó kem tau smakay kul.”

Kem Lingón 18:45

Balù udì ke wen bud klóbô le, tódô setbol kkel le igò le hewà gu bè yóm gónó le hofin.

Isaya 25:3

Yó gónóm mon, angat tey kdóyón le kóm yó kem tau bè yó kem dumu benwu mbegel. Yó kem tau alì sidek nmò le bè yó kem dumu benwu gotu le likò kóm.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.