Kem Lingón 6:4 - Udél Dwata: Gna Kesfasad ne Lomi Kesfasad

⁴ Beklili ebéléu, Dwata, hewaem ou. Lenwaem ou lem hatay lemwót bè yóm là konol nawahem ebéléu.

Kem Lingón 6:4 Referans Kwoze

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Kem Lingón 17:13

Hekmóni kut, Dwata. Senfatayem lu dou yó kem hohonu anì gotu le meglà. Nwitem sudengem, hewaem ou lem hólól yó kem tau gel mò sidek yó.

Malakay 3:7

Tódô lenwóten bè yóm tehe kul kdaw yó kem tehe fù ye ekni yóm kkogol ye du yó kem dou hlau ne là kô lolò ye du. Semfulék ye ebéléu dé ne bude semfulék ebélê ye se dou,” udél yóm Dwata laen dù là gbeken du. Okóm mom yó snólók ye, “Tedu kmò bud kesfulék me ebéléem du igò me sem là hlayuk béléem?”

Kem Lingón 121:7

Tendo nofin Dwata uu bè yó kem sidek, là kô bayaen kóm.

Kem Lingón 116:4

Ominu yó tmaba ebè Dwata, yó monu, “Ó Dwata, hkoduhe béléem, hol lenwaem ou.”

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kem Lingón 80:14

Beklili ebélê me, Dwata, yakà uu du yóm Dwata laen dù là gbeken du. Temngeli gu dyó bè longit edini laan bélê me, géhél lenwaem mi kem kóm tau.

Kem Lingón 22:20

Lenwaem ou bè bak sudeng yó kem hohonu. Hol béem blay klowilu bè yó kem ohu lóbô yó.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Kem Lingón 120:2

Yó tabahu, “Lenwaem ou, Dwata, bè yó kem tau gel mò kéng, ne bè yó kem tau gel smukat.”

Kem Lingón 116:8

Deng lenwà Dwata o bè yóm hatay. Kóhen yóm gónóhu gel mkik, ne hensengen ke wen gónóu btang.

Kem Lingón 86:13

abay se tey kbong nawahem dou. Deng lenwaem ou gu lem hatay.

Kem Lingón 69:13

Okóm béléu dou, Dwata, tódô senflósu mni béléem. Hol bnalaem ou sok kól yóm kdaw tngónem hyu béléu. Hol bnalaem ou lemwót bè yóm kbong nawahem dou, ne lemwót bè kdohò yóm fasadem lemwà dou.

Kem Lingón 25:7

Hol hnifótem dou yó kem salà tehe nmou bè yóm klomihu tau. Lemwót bè yóm là konolen yóm kbong nawam, hol hentulón nawam ou, Dwata, abay se uu yóm Dwata alì hulung kmodu.

Kem Lingón 13:2

Kegenen ne duen yóm tendo ksidek kegnómu du ne yóm klangagu ket kdaw? Kegenen ne duen yóm tendo kegmò le béléu yó kem hohonu?

Kem Lingón 74:10

Kegenen de, Dwata, yóm tódô kbayaem kul hemnê kóm yó kem hohonem? Laen kô dù sónen ne kô yóm tódô kbayaem kul là madat du yóm kóm boluy?

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?