Kem Lingón 6:10 - Udél Dwata: Gna Kesfasad ne Lomi Kesfasad

¹⁰ Angat le gotu mulék myak yó kem hohonu, mung du yóm tey klikò le. Angat le tódô kendel mlóy semfulék, ya tey sidek kyak le.

Kem Lingón 6:10 Referans Kwoze

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Kem Lingón 86:17

Hegfanem dou kun ilóen yóm kehyu nawahem ebéléu, anì ton yó kem tau kmutó nawa dou, ne angat le bud mulék myak. Abay se uu, Dwata, yóm gel tmóbóng dou ne gel hemyu nawahu.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Lingón 132:18

Angat sidek kehyaku yó kem hohonen, bede yóm kun, angat tey minggel yóm kegetahen.”

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Kem Lingón 73:19

Tódô le kendel meglà, ne tey sidek yóm gónó le e kól.

Kem Lingón 71:24

Snilefu kdaw tendo tmulón du yóm tey ktedeng yó kem gel nmoem, yakà deng le gotu mulék myak ne slaf yó kem tau tô malu hmatay dou.

Kem Lingón 71:13

Yó kem tau gel tmifù dou yó, hol henyakem lu, hol genlaem lu. Hyu ke gotu le mulék myak yó kem tau móyô hemsidek dou yó.

Kem Lingón 35:26

Yó kem tau semkuli dou bè yóm kwen gfau, yake hol le bud mulék myak. Yó kem tau hegeta le knô le sentahu, hol hulékem lu myak.

Kem Lingón 25:3

Laen kô dù gónón myak kun yóm tau smalig béléem, okóm yó myak yó kem tau snukaten kem dumun tau.

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Kem Lingón 5:10

Ó Dwata, hbóem kul yóm sidek nmò le. Hebtangem lu bè yóm kul udél. Lemwót bè yóm kdê salà nmò le, lohem lu mayuk, yakà deng natù le kóm.

Kem Lingón 2:5

Ominen mudél kul mung du lebuten. Ya tey sidek kehlikoen kul bè yóm kebuten.

Job 6:29

Geblaen ne yóm kdelem ye dou kéng, yakà tedeng yóm dou nmò. Bê ye abay bud dnelem o.

2 Bok Kem Tau Hol Geta 20:5

“Budi semfulék ebè Hisikaya, yóm tau malak yó kem dou tau. Tulónem du, ‘Ni se udél Dwata ebéléem yóm Dwata tehe fuem Dabid. Deng gungolu yóm hnihem, ne deng tonu yóm lewokem. Hkóhu yóm desem. Tlu ni angati btik ne budi mógów ebè Gónô Dwata.

Kem Lingón 55:20

Yóm tehe dou wè yó, deng mom hohonen ou, nuléhen yóm deng fasaden dou.