Kem Lingón 53:3 - Udél Dwata: Gna Kesfasad ne Lomi Kesfasad

³ Okóm là, deng knogol le Dwata yóm kdê le, tódô kdê le mò du yóm sidek. Laen dù bélê le mò du yóm hyu, balù sotu.

Kem Lingón 53:3 Referans Kwoze

Sulat Pol Ebè Yó Kem Tau Hemtahu Bè Rom 3:12

Deng gotu knogol le Dwata. Deng le gotu hetlas. Laen kô dù tau ke tedeng kmoen, balù sotu.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Kem Lingón 14:3

Okóm deng le mom gotu hetlas, hono sidek nmò le. Laen kô dù tonen bélê le ke tedeng nmoen, balù sotu.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.

Deng Hegfan 22:11

Yóm tau mò sidek, tódô henlósen ne yó kem sidek nmoen. Yóm tau là mólósen, tódô henlósen se kun mò du yóm là mólósen. Okóm yóm tau hyu kmoen, hol henlósen sen mò du yóm hyu. Yóm tau laen dù belenen yóm kmoen, hol henlósen mò du yóm laen dù belenen.”

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

2 Samwél 20:2

Tahu se, tnagak le Dabid yóm kdê tau Israél, lolò le Siba ngà Bikri. Okóm kul yó kem tau Juda, tódô hlós lolò le Dabid lenwót le bè Él Jurdan efet kól bè Jirusalim.