Kem Lingón 51:3 - Udél Dwata: Gna Kesfasad ne Lomi Kesfasad

³ Tódô tngónu, Dwata, yó kem gónóhu gemsalà béléem. Là kóen mkó bè nawahu yó kem salà deng nmou.

Kem Lingón 51:3 Referans Kwoze

Isaya 59:12

Ó Dwata, deng tey wen ne yóm salà me béléem. Yó kem sidek deng nmò me yó, yó se fen kmamo kum béléem. Deng gotu dilô me ne yó kem salà me.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Lingón 38:18

Okóm gel benkasu yó kem salau, ne tey kegselu bè yó kem sidek deng nmou.

Kem Lingón 32:5

Yó gónóm mon, deng gotu benkasu ebéléem, Dwata, yó kem salau, laen kô dù bunihu béléem. Bè yóm kebkasu du béléem yóm kdéen, deng gotu hnifótem béléu ne yó kem sidek tehe gel nmou.

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Kem Lingón 40:12

Tey dê yó kem mgel smibut dou, là kô gbekem msó kul. Deng gotu gfan ne yó kem salà deng nmou, ne ni là bud tngónu du kmò kehedemu. Ke nsóhu yó kem salau, bong wen senta yó kem dou balu wek. Yó mò dou, denge mom baling likò.

Job 33:27

Yó angat udélen bè yó kem dumu tau yóm tau nsok Dwata yó, monen, ‘Denge gemsalà bè Dwata, là hyuhen yóm deng nmou okóm là kô tafak Dwata du do yóm tafak bang bayad yóm salà nmou.

Nihimaya 9:2

Tódô kdê yó kem tau Israél, gotu le hetsik gu bè yó kem tólóng tau nô lem blóng le ne yó nmò le, gotu le mdà ne gotu benkas le ebè Dwata yó kem salà le ne salà yó kem tehe fù le.

Kem Lingón 41:5

Okóm yó udél le tendo tmuled dou yó kem hohonu, mon le, “Kilón katayen anì tódô lana boluyen?”

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.