Kem Lingón 5:9 - Udél Dwata: Gna Kesfasad ne Lomi Kesfasad

⁹ Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

Kem Lingón 5:9 Referans Kwoze

Sulat Pol Ebè Yó Kem Tau Hemtahu Bè Rom 3:13

Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kem Udél Hlalak Tehe Selumun 29:5

Yóm tau là tahu ksaluen kdumuhen hensideken kun knô.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

Kun Snulat Luk 11:44

Angat tey tafak ye he. Hol ye mkél bè yóm gónó lembeng laen dù ilô nô tahen. Tódô óyô le mlan tahen yó kem tau, là kô tngón le du yóm ndà le.”

Kem Lingón 52:2

Knoyungem kdaw tendo matul du yóm kmò keglaem tau. Tey telem yóm udélem, lómón ktelem yóm gel ki le. Teyi hulung mò kéng.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Kem Lingón 64:6

Yóm igò le matul mò du yóm sidek, yó mon le, “Deng wen atul nmò me hono hyu.” Tahu se, yóm kehedem tau ne yóm nawahen, tey hulung mò atul.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

1 Tisalunika 2:5

Deng hónô tngón ye yóm kmò kwit me du yóm tehe gel tulón me kuy, là kô na me e nmò du bélê ye yóm udél hegbóy, duhen ke wen udél mò lemimun yóm gel sen-glom me. Dwata gemtanud du ktahuhen nim monu ni.

Kun Snulat Luk 11:39

Omin Jisas mudél ebè yóm Farisi yó, monen, “Yu kem Farisi, ke hlingónu yóm kuy kmò, lómón yóm tgayan ne huyów olo ye molob tahen, là lemen. Igoen yóm nô lemen, tódô hono keseglom, ne hono nmò sidek.

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Kem Lingón 27:11

Ó Dwata, hol tolokem dou yóm nóyô hmoem dou. Hol sen-galakem ou bè lanu anì là gesyate, yakà teyen wen yó kem hohonu.

Kem Lingón 69:19

Deng gungolem yóm tey kehnê le dou ne yóm kehyak le dou. Laen kô dù adat le dou. Gotu tonem kdê hohonu.

Isaya 26:7

Tey hyu, Dwata, yóm lan nmoem bè yó kem tau hyu kmò le, tey sdatal yóm lan lolò le.