Kem Lingón 5:8 - Udél Dwata: Gna Kesfasad ne Lomi Kesfasad

⁸ Nalakem ou bè yóm lan tedeng, Dwata, anì là gemmò le béléu yó kem hohonu. Hol hentedengem yóm kóm lan mò lolou.

Kem Lingón 5:8 Referans Kwoze

Kem Lingón 27:11

Ó Dwata, hol tolokem dou yóm nóyô hmoem dou. Hol sen-galakem ou bè lanu anì là gesyate, yakà teyen wen yó kem hohonu.

Kem Lingón 119:10

Béléu do, tódô hotuhu nawahu mò du yóm hmoem do. Hol tnóbóngem ou anì là guléhu du yó kem hlauhem.

Kem Lingón 86:11

Tolokem dou, Dwata, yóm nóyô hmoem dou, anì galake bè yóm hol ktahuhen lemwót béléem. Tnóbóngem ou mimón kóm anì wen klikou kóm.

Kem Udél Hlalak Tehe Selumun 4:25

Hentedengem kmò kógów klowilem lómón yóm tau là tlek kun mógów kudung wen kenyaken.

Kem Lingón 119:64

Bè klamangen benwu, Dwata, gfan yóm kbong nawa là monolen. Hol tolokem do yó kem hlauhem.

Matyu 3:3

Nim Jan ni, du se gónón e gbak yóm mon yóm sotu tehe gna tugod Dwata ekni boluyen Isaya, yó monen, “Wen sotu tau tmaba gu bè tum benwu laen hol tau menwu du. Yó utóm tabahen, monen, ‘Eles hen-gifat ye yóm lan angat lolò yóm gónó tekuy mogot. Eles hentedeng ye yóm lan mò loloen.’ ”

Kem Lingón 59:10

Lemwót bè yóm là konol yóm kbong nawan dou yóm dou Dwata, dohò yóm ksuten mò tmóbóng dou. Htonen dou yóm là kegmò le yó kem hohonu.

Kem Lingón 31:1

Ó Dwata, són béléem gónów hofin. Hol tnóbóngem ou anì laen dù gónów myak. Lemwót bè yóm tey ktedengem, hol lenwaem ou.

Hibru 12:13

Hol henketeng ye kógów ye mò kenteng mata yó kem tolo megewu nawa le huli kuy. Ke lómón yó kmò ye, laen kô dù fen gesyat huli kuy, tódô mekteng se yóm kul kógów.

Kem Lingón 54:5

Hol bud mulék eta yó kem hohonu he yóm sidek atul le. Lemwót bè yóm là konol nawahem béléu, Dwata, hol nmoem són le.

2 Samwél 12:14

Okóm lemwót bè yóm là kimónem ke Dwata, angat matay yóm ngaem.”

Kem Lingón 138:2

Mtude bukol yóm igou smolu ebè yóm kóm Gónô, tmabahe béléem, ne dóyónu yóm kóm boluy lemwót bè yóm là konol nawahem ebéléu ne bè yóm ktenebem béléu. Abay se deng hegetahem bè kdéen yóm kóm boluy ne yóm kóm udél.

Juna 2:5

Deng lenimunen o yóm tey él ne balù udì ke bude gnawa. Denge tódô lemneb luk yó kem bnes mohin, gotu glébéd gu bè kuluhu.