Kem Lingón 5:7 - Udél Dwata: Gna Kesfasad ne Lomi Kesfasad

⁷ Lemwót bè yóm là konolen yóm kbong nawahem dou, gbeku husek elem Gónóem. Lemwót bè yóm kwen klikou kóm, yó gónóhu tmaba ebéléem lem Gónóem.

Kem Lingón 5:7 Referans Kwoze

Kem Lingón 138:2

Mtude bukol yóm igou smolu ebè yóm kóm Gónô, tmabahe béléem, ne dóyónu yóm kóm boluy lemwót bè yóm là konol nawahem ebéléu ne bè yóm ktenebem béléu. Abay se deng hegetahem bè kdéen yóm kóm boluy ne yóm kóm udél.

Kem Lingón 132:7

Lemwót tekuy ne, mógów tekuy ebè yóm gónó Dwata nô. Tmaba tekuy ebéléen bè yó.

Kem Lingón 69:13

Okóm béléu dou, Dwata, tódô senflósu mni béléem. Hol bnalaem ou sok kól yóm kdaw tngónem hyu béléu. Hol bnalaem ou lemwót bè yóm kbong nawahem dou, ne lemwót bè kdohò yóm fasadem lemwà dou.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

1 Bok Kem Tau Hol Geta 8:38

ne ke mni le béléem yó kem kóm tau lemwót bè yó kem gfà le ne bè yó kem lenangag le, ne ke hdà le sigel le mni ebè yóm gónóem ni,

Isaya 64:11

Ne yóm Gónóem bè yó, yóm tey Gónô tilob gónó le tehe dmóyón kóm yó kem fù me, deng gotu ntem yó kem hohon me. Kdê yó kem nfun me alì kenbong nawa me, deng gotu gbà.

Kem Lingón 69:16

Hol bnalaem ou, Dwata, lemwót bè yóm là konolen yóm kbong nawahem dou. Beklili ebéléu lemwót bè yóm kkoduhem dou.

Kem Lingón 55:16

Okóm dou, htóbónge bè Dwata, ne angat lenwaen ou.

Kem Lingón 52:8

Okóm dou, hol lómón ke ou yóm koyu ulib tmowok bè Gónô Dwata. Laen dù sónen yóm tendo ksaligu yóm kbong nawa Dwata là monolen.

Kem Lingón 51:1

Ó Dwata, lemwót bè yóm là konol nawahem ebéléu, hol knoduhem ou. Lemwót bè yóm alì kkoduhem dou, hol kóhem béléu yó kem salau.

Kem Lingón 28:2

Hol hnungolem yóm kehkoduhu béléem yóm igou mni tóbóng béléem, yóm igou hdà hólólu edyó bè yóm kóm gónó nô.

1 Bok Kem Tau Hol Geta 8:35

Ke là bud hkulónem du lan le gemsalà béléem yó kem tauhem, ne ke smolu le ebè yóm Gónóem ni na le e hegsel béléem, ne ke knogol le yó kem salà le lanem tmafak kul,

Kem Lingón 130:4

Okóm deng tódô hnifótem mi, anì yó, wen klikò me mulé kóm.

Kem Lingón 34:17

Bong yó kem tau tedeng kmò le, gel le tmaba ebè Dwata, ne gel hnungolen lu. Lenwaen lu gu lem yóm kdê gónó le glayam.

Kem Lingón 101:7

Là kóe móyô du ke mò le nmò bè gónóu yó kem tau hulung smukat. Là kóe móyô du ke mdà le bè soluhu yó kem tau mò kéng.

Kem Udél Hlalak Tehe Selumun 6:16

Wen nem kay nmò knutó nawa Dwata, o, hitu dé yóm alì kenliten. Ne ni sii lu:

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.