Kem Lingón 5:6 - Udél Dwata: Gna Kesfasad ne Lomi Kesfasad

⁶ Sal genlaem yó kem tau mò kéng. Tey sidek keklitem yó kem tau monok ne kem tau smukat.

Kem Lingón 5:6 Referans Kwoze

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Kem Lingón 55:23

Okóm uu, Dwata, angat mbot kul elem lanaw ofi yó kem tau sidek gel nmò le. Kem tau monok ne kem tau smukat, là kô guta le du ktuha le. Okóm dou, són uu snaligu.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Kem Lingón 4:2

Yu kem tau hmohon dou, kmò kegenen de yóm tendo kudél ye sidek etahu? Kegenen de yóm tendo ktifù ye dou là tahuhen? Kegenen de yóm tendo kmò ye kéng?

Sulat Pol Ebè Yó Kem Tau Hemtahu Bè Rom 1:29

Tódô kdéen kay sidek gotu meskel lem hendem le. Alì le móyô hemsidek kem dumu le tau. Kóyô le ke són lu gónón e skok yóm kdéen. Tey dê ukô nmò le. Mahil le mófô. Són nawa monok nô bélê le. Sónmò le mit sfatay bè kem dumu le. Tey le hulung smukat. Sónmò le gel sutó nawa. Tey lemnek ksumóng le,

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

2 Samwél 20:1

Wen sotu tau bè yó tendo gel sembeweg kehedem tau, boluyen Siba ngà Bikri semfu gu bè Bindyamin. Yó nmoen, hunihen yóm féw bong, ne hgelen udélen, monen, “Ó kem tau Israél, laen dù kut du yóm Dabid. Laen dù ofol tekuy ke mung tekuy bè ngà Jisi. Mulék tekuy ne, kem tau Israél.”

2 Samwél 16:8

Deng bneles Dwata uu bè yóm litô Sol ne yó kem fes lówóhen, yakà deng nledem du yóm kgetahen. Okóm ni, deng blay Dwata elem hólól ngaem Absalum yóm kogotem benwu. Ngem, deng bud mulék etahem yóm tehe gel nmoem, yakà tauhi monok.”

Tekang Kbuten 34:14

Yó mon le mò kul le Sékém, “Là gbek me du ke tô hyehen me yóm kum libun bè yóm logi là tnulien. Ke yó nmò me, hol kenyak bong bélê me.

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.