Kem Lingón 5:5 - Udél Dwata: Gna Kesfasad ne Lomi Kesfasad

⁵ Yó gónóm mon, là kô le gdà bè soluhem yó kem tau heklabak. Tey keklitem kul yó kem tau gel mò sidek.

Kem Lingón 5:5 Referans Kwoze

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Kem Lingón 1:5

Yó gónóm mon, bè yóm kdaw angat kkukum Dwata tau, gotu le golu elem hatay yó kem tau gemsalà. Là kô homong Dwata kul bè yó kem kun tau.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Hbakuk 1:13

Ne hyu se yóm nmoem yó. Okóm tódô bayaem kul ne kô yóm tey sidek nmò le bélê me ni? Deng tngónu lemwót bè yóm klaen dù belenem là kô nam e gbek tódô tenngel du kóm yóm sidek. Là móyói mton du kóm yó kem tau mò du yóm là tedengen. Ke lómón yó yóm kóm kmò, moen de ke tódói henek bè yóm igò le alì hemsidek kum, mi kem tau tedeng kmoen senta le?

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Matyu 7:23

Okóm,” mon Jisas, “angat monu mò kul, ‘Là kô tngónu kuy. Hlayuk ye béléu, yu kem tau gel mò sidek.’ ”

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Lingón 75:4

Yó udélu ebè yó kem tau heklabak, monu, ‘Bê ye abay bud heklabak.’ Ne ebè yó kem tau mò sidek, monu, ‘Bê ye abay bnantak Dwata,

Kem Lingón 130:3

Ke nawam smolò du yó kem salà nmò me, balù sotu bélê me ke gewà gu lem tafakem.

Kem Lingón 94:8

Ten-gama ye, yu kem tau nungel. Kilón de kbaling ye tau hulung hedem?

Kem Lingón 92:6

Yóm tau laen dù tngónen, balù udì ke glileben kun nim ni. Senged se yóm tau nungel, là kô glileben du.

Kem Lingón 14:1

Bè kul kehedem yó kem tau là hulungen hedem, gel henkéng le ke wen Dwata. Yó kem tau yó, hono sidek kehedem le, ne hono sidek yóm gel nmò le. Balù sotu bélê le ke mò du yóm tedeng.

Kem Lingón 73:3

lemwót bè yóm alì sidek kélés nawahu yó kem tau hegeta le knô le. Tódô tonu laen dù kat gónón sidek klowil le se kul yó kem tau gel mò sidek.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.