Kem Lingón 5:4 - Udél Dwata: Gna Kesfasad ne Lomi Kesfasad

⁴ Là kói hligal du kóm, Dwata, yóm sidek. Laen kô dù sidek nô béléem bè yó.

Kem Lingón 5:4 Referans Kwoze

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Malakay 2:17

Deng tey kehtakas ye ke Dwata bè yó kem gel udél ye. Déke snólók ye, mon ye, “Udél du du gónó me deng htakas ke Dwata?” Yó udél ye htakas ke Dwata yóm gel kmon ye du, “Moen de ke tódô bayà Dwata lu yó kem tau gel mò sidek, là kô dog tnafaken kul? Nô se du yóm Dwata tedeng kkukumen?”

Kem Lingón 140:13

Hol tahu dóyón le boluyem yó kem tau tedeng kmò le, abay se béléem gónó le nô.

Kem Lingón 50:21

Yóm igò ye mò du ni kem ni, tódóe yem. Ofo kuy ke mkéle bélê ye. Okóm ni nudélu yu, ne listahu bélê ye yó kem duónu kuy.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Hbakuk 1:13

Ne hyu se yóm nmoem yó. Okóm tódô bayaem kul ne kô yóm tey sidek nmò le bélê me ni? Deng tngónu lemwót bè yóm klaen dù belenem là kô nam e gbek tódô tenngel du kóm yóm sidek. Là móyói mton du kóm yó kem tau mò du yóm là tedengen. Ke lómón yó yóm kóm kmò, moen de ke tódói henek bè yóm igò le alì hemsidek kum, mi kem tau tedeng kmoen senta le?

Kem Lingón 92:15

Yó mon le, “Tey ktedeng Dwata. Du se yóm botu mbegel dou gónó heklung. Laen kô dù sidek béléen.”

2 Pitér 3:13

Okóm tekuy, tódô nangat tekuy yóm deng fasad Dwata tekuy, duhen yóm lomi longit ne yóm lomi tonok, yóm benwu gónóhen nô yó kem tau tedeng kmoen.

Kem Lingón 101:7

Là kóe móyô du ke mò le nmò bè gónóu yó kem tau hulung smukat. Là kóe móyô du ke mdà le bè soluhu yó kem tau mò kéng.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

Kem Lingón 63:2

Deng tehe tonu uu lem Gónóem, deng tonu yóm tey kfasangem ne yóm tey keslinangem.

Kem Lingón 88:14

Moen de ke deng kenbéem ou, Dwata? Moen de ke knogolem ou?