Kem Lingón 5:3 - Udél Dwata: Gna Kesfasad ne Lomi Kesfasad

³ Hnungolem, Dwata, yóm knihu béléem ke hlafus. Ket hlafusu tendo tmulón du kóm yóm hnihu, tódô eles tngónu yóm angat kbalaem dou.

Kem Lingón 5:3 Referans Kwoze

Kem Lingón 119:147

Gu laanen là deng btù mata kdaw, denge sana htóbóng béléem. Són ken-gel nawahu yó kem udélem.

Kem Lingón 88:13

Ó Dwata, tey kehtóbóngu béléem, tódô ket hlafusu mni béléem.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Kem Lingón 130:6

Yóm kangatu ke Dwata, hol lómón yó kem tau mentey kifu, nangat le géhél kwasen. Mkay bè yó he, Dwata, yóm kangatu du yóm géhél któbóngem do.

Kem Lingón 55:17

Keten hlafus ne kemdaw ne kifu kgefeten bè Dwata yóm tendo ktalawu ne kdolongu, ne gel hnungolen ou.

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Kem Lingón 69:16

Hol bnalaem ou, Dwata, lemwót bè yóm là konolen yóm kbong nawahem dou. Beklili ebéléu lemwót bè yóm kkoduhem dou.

Kem Lingón 22:2

Ke kemdaw, tey ktabahu kóm, Dwata, okóm là kô kenmónem dou. Bude tmaba ebéléem ke kifu, là se gnómu du ke mdengen kehegnóu.

Kem Lingón 44:5

Mlan bè kfasangem gónó me gembek mlo kul yó kem hohon me. Mlan bè boluyem gónó me gembek mdà kul elaan.

Kem Lingón 74:12

Uu se, Dwata, yóm dou Hol Geta lemwót bè kbuten. Uu se but gónó le gewà yó kem tau talak tonok.

Kem Lingón 84:4

Tey kligal le yó kem tau nô bè Gónóem. Sónmò le semngal yó kem sngal dmóyón kóm.

Kem Lingón 130:2

Hol hnungolem o, Dwata, hnungolem yóm knihu tóbóng béléem.

Kem Lingón 145:1

Angat gel heglalagu yóm tey kegetahem, Dwata, yakà uu du yóm dou Dwata ne yóm dou gónó kmulu. Laen kô dù sónen yóm keslamatu béléem.