Kem Lingón 5:12 - Udél Dwata: Gna Kesfasad ne Lomi Kesfasad

¹² Yakà tey któbóngem kul, Dwata, yó kem tau tedeng kmò le. Yóm kbong nawahem kul yó se mò kemlung kul.

Kem Lingón 5:12 Referans Kwoze

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Lingón 32:10

Yó kem tau là mimón ke Dwata, tey dê gónó le glayam. Okóm yó kem tau genléd nawa le Dwata, tendo nofinen lu mlan bè yóm kbong nawahen kul.

Kem Lingón 115:13

Angat gotu tnóbóngen kdéen tau wen klikò le du, lenwóten bè yó kem tau hol geta kkólen bè yó kem tau glaan.

Kem Lingón 112:1

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.

Kem Lingón 32:7

Són uu yóm gónóhu e hles. Són uu se yóm lemwà dou ke wen mgel sut bè klowilu. Gungolu hmilol dou yó kem mensag lemwót bè yóm deng kegmoem, abay se uu yóm gel mofin dou.

Kem Lingón 29:11

Dwata se bemlay kul kgis yó kem tauhen. Du se bemlay kul kenek nawa.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Kem Lingón 3:8

Són béléem se, Dwata, gónón lemwót yóm kegmò me bè yó kem hohon me. Dwata he hol tmóbóng yó kem kóm tau.

Kem Lingón 68:4

Semngal tekuy ebè Dwata, sngal tekuy yó kem sngal dmóyón yóm kun boluy. Hol dóyón tekuy yóm myón smakay lobun. Dwata se boluyen. Hol tekuy hligal bè soluhen.

Kem Lingón 118:15

Hol hnungol ye dé yóm tey hensag le bè kamfù le yó kem tau Dwata. Hnigal le yém deng kegmò le. Yó mon le, “Tódô lemwót bè yóm tey kfasang Dwata yó gónó tekuy gemmò.

Kem Lingón 119:132

Bninguyem ou, Dwata, ne hol knoduhem o, hol lómón yóm kkoduhem yó kem tau kembong nawa kóm.