Kem Lingón 5:10 - Udél Dwata: Gna Kesfasad ne Lomi Kesfasad

¹⁰ Ó Dwata, hbóem kul yóm sidek nmò le. Hebtangem lu bè yóm kul udél. Lemwót bè yóm kdê salà nmò le, lohem lu mayuk, yakà deng natù le kóm.

Kem Lingón 5:10 Referans Kwoze

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

2 Samwél 17:14

Yó mon Absalum ne kdê yó kem tau Israél, “Hyu yóm kun hlau Husay, yóm tau Arkayt, senta yóm kun hlau Ahitufél.” Yóm klolò le du yóm mon Husay yó, Dwata se mò du anì là lolò le du yóm hlau hyu Ahitufél, ne anì wen glumfak Absalum.

1 Kurin 3:19

Yóm kul ketngón yó kem tau te tonok, bè kun kehedem du Dwata, ketngón laen dù muhen. Hol lómón se yóm deng monen bè Sulat Dwata, yóm monen, “Yóm tau alì snaligen yóm ketngónen, yó se henged holot gónó Dwata hebkó du.”

Kem Lingón 71:13

Yó kem tau gel tmifù dou yó, hol henyakem lu, hol genlaem lu. Hyu ke gotu le mulék myak yó kem tau móyô hemsidek dou yó.

Kem Lingón 31:18

anì là bud le mò udél yó kem tau mò kéng yó, kem tau alì hegmón, alì heklabak, tnifù le kéng yó kem tau tedeng kmò le.

2 Samwél 17:23

Tikóng tngón Ahitufél yóm là klolò le du yóm kun hlau, tódô lemwót, senyaen kudà asnuhen, ne mulék ebè yóm kun benwu. Wen kem udél tebelen bè yó kem fes lówóhen, ominen mówól liholen, ne matay. Ne lebeng le bè yóm kilib tehe gónó le lembeng ke maen.

2 Samwél 15:31

Wen tmulón du ke Dabid, deng mung bè Absalum Ahitufél. Yó gónó Dabid mni bè Dwata, monen, “Ó Dwata, henbalingem laen dù gónón e kól yóm hlau Ahitufél.”

Kem Lingón 55:15

Hol mekto sut bélê le hatay he yó kem hohonu. Hol lebeng le lu tolo mowil, yakà dengen smala bélê le yóm sidek.

Kem Lingón 35:26

Yó kem tau semkuli dou bè yóm kwen gfau, yake hol le bud mulék myak. Yó kem tau hegeta le knô le sentahu, hol hulékem lu myak.

Danyél 9:9

Okóm uu se yóm sana kum Dwata hol gónó mogot, teyi kmodu ne mahili hmifót balù yóm deng gel katù me kóm.

Danyél 9:5

Okóm nim mi deng me gemsalà béléem, nmò me yóm là hyuhen. Deng natù me uu ne deng knogol me yó kem hlauhem ne yó kem hloloem kum.

Isaya 1:20

Okóm ke là nimón ye dou angat ye matay bè suk. Ou se Dwata nim mudél ni yóm Dwata hol gónó mogot.”

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Kem Lingón 107:11

Yó gónón wen gfà le abay se deng nulé le yó kem hlau Dwata yóm Dwata laen dù là gbeken du. Ne deng kenbê le yó kem hloloen kul.

Kem Lingón 79:12

Ó Dwata, hitu dulékem meles kul yó kem tólóng benwu hmilol me alì hemnê kóm.

Kem Lingón 66:7

Lemwót bè yóm tey kegbeken, laen tul sónen yóm kkamalen yóm klamangen. Tendo tenngelen yóm gel nmò yó kem tau bè ket benwu. Béen wen tau tô hguluk matù du.

Kem Lingón 17:13

Hekmóni kut, Dwata. Senfatayem lu dou yó kem hohonu anì gotu le meglà. Nwitem sudengem, hewaem ou lem hólól yó kem tau gel mò sidek yó.

Kem Lingón 10:15

Tenfokem sigel yó kem tau alì mò sidek. Snoloem yó kem sidek gel nmò le efet gotu genlaem yóm kdê le.

Istér 7:10

Tahu se, tléwéng le Haman bè yóm koyu tô hefdaen bè Murdikay. Ominen yó he malù lembó kebut yóm tau hol geta.

2 Tutul Israél 25:16

Okóm yóm igoen tolo mudél, yóm tau Dwata yó, tódô kendel tenbleng yóm tau hol geta, monen, “Deng nélék me uu kô mò gónón hmungol hlau yóm tau hol geta? Béi abay bud mudél, déke hfatayu uu.” Duhen yó, tódô mulék yóm tugod Dwata yó, bede wen eles hetgamahen yóm tau hol geta, monen, “Tngónu deng eles nô bè nawa Dwata ne gemlà kóm bè nim nmoem ni, là kô dog hnungolem du yóm hlauhu kóm.”

1 Samwél 25:39

Timbow gungol Dabid yóm deng katay Nabal, yó udélen, monen, “Megdóyón yóm Dwata, du se fen meles ke Nabal bè yóm sidek deng nmoen béléu. Deng henseng Dwata o anì là melese. Deng guta Nabal ne balà yóm nmoen.” Omin Dabid kendel mdók tau ebè Abigil anì snólók le ke móyô myehen ke Dabid.

1 Samwél 25:29

Baluen ke senktes hnatay le uu yó kem hohonem, tey kofinen kóm yóm sana kóm Dwata hol gónó mogot, lómón kesegyok tau yóm kimu alì mebtes alì legenen. Okóm yóm kul klowil yó kem hohonem, angat tódô lana lómón tódô klana yóm botu ke ubat bè hasut.