Kem Lingón 49:3 - Udél Dwata: Gna Kesfasad ne Lomi Kesfasad

³ Abay se tey wen lemen nim udélu ni lemwót bè yóm khulungu temnef.

Kem Lingón 49:3 Referans Kwoze

Kem Lingón 19:14

Hol tnóbóngem ou, Dwata, bè yóm kmò kudélu ne bè yóm kmò kehedemu anì hyu nawahem du. Són uu se yóm gónóhu e mlo, ne són uu yóm deng msok dou.

Matyu 12:35

Yóm tau hyu, hyu kebkóhen lemwót bè yóm hyu gel suen lem hendemen. Yóm tau sidek, sidek kebkóhen lemwót bè yóm sidek gel suen lem hendemen.

Kem Udél Hlalak Tehe Selumun 22:17

Ni sii yó kem udél yóm tau hulung hedem, monen, “Hol henklinguhem se yóm dou udél ne hol suem lem hendemem yóm dou ketngón.”

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Kem Lingón 37:30

Yóm tau hyu kmoen, dilô bè kudélen yóm khulungen hedem, ne laen dù mtukul nfihen.

Kem Lingón 119:130

Bè yóm ktolok le udélem, lómón ke layag. Balù yó kem tau laen dù tngón le, wen gwa le du.

Job 33:33

Okóm ke laen dù tô monem, hol béi abay mudél. Hol hnungolem ou anì toloku kóm yóm khulung hedem.” Là gomongen bè nili yóm tsaptér 34 kól bè tsaptér 37. Bè ni kem tsaptér ni, sfu yóm udél Ilihu ebè Job.

Job 33:3

Tódô kdê yó kem tulónu kóm ni, sal lemwót lem nawaw ne hono tahu.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Kem Lingón 104:34

Yake hol hyu nawa Dwata du yóm klingónu ebéléen, yakà lemwóten béléen yóm kligalu.

Kem Lingón 4:3

Ni hol hendem ye. Deng eles hetfing Dwata mò kun yóm tau tedeng kmoen. Ke tmabahe ebéléen, hnungolen ou.