Kem Lingón 48:4 - Udél Dwata: Gna Kesfasad ne Lomi Kesfasad

⁴ Yó kem dumu tau hol geta talak tonok, yó nmò le, gotu le stifun na le e nundug yóm syudad yó.

Kem Lingón 48:4 Referans Kwoze

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Isaya 10:8

Yó udélen heklabak, monen, “Ket tau malak yó kem sendaluu, tey kfasang le lómón ke tau le geta.

Isaya 7:1

Wen sotu tau hol geta bè benwu Juda boluyen Ahas. Yóm Ahas ni ngà yóm tehe Jutam ne témê yóm tehe Usiya. Bè yóm kdaw kogoten benwu, wen lewu benwu slomong mit sgida bélê le. Yó boluy yóm sotu tau hol geta mit sgida bélê le, Risin yóm tau hol geta mogot benwu Sirya ne yóm sotuhen, Pika ngà Rimalya yóm tau hol geta mogot benwu Israél. Yó nmò le na le e nundug Jirusalim bede là kô le gemmò.

2 Bok Kem Tau Hol Geta 6:11

Lemwót bè nim nmò Ilaysa ni, tey sidek kebut yóm tau hol geta bè Aram. Gotu htabahen yó kem genlalen, yó monen mò kul, “Tmau du bélê ye deng tmifù? Tmau du se tmulón du bè tau hol geta bè Israél yóm atulu?”

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.