Kem Lingón 48:3 - Udél Dwata: Gna Kesfasad ne Lomi Kesfasad

³ Dwata se nô bè yó kem gónó hofin bè Jirusalim. Gel hegfanen yóm kofinen yó kem kun tau.

Kem Lingón 48:3 Referans Kwoze

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

2 Tutul Israél 12:7

Tikóng ton Dwata yóm keheglaan le béléen yó, yó udél Dwata ebè Simaya, monen, “Lemwót bè yóm keheglaan le béléu yó kem tau, là dog sulék genlau kul ne. Okóm bè yóm kundug Sisak ebè Jirusalim, angat tey sidek kgelen bélê le. Là hlanu du ta Sisak yóm alì kebutu kul yó kem tau lem syudad Jirusalim.

2 Samwél 5:7

Okóm botong gled Dabid yóm gónó le gel heklung bè yó bè benwu Sayun, ne yó hlós boluy le du nim kmoen ni, Syudad Dabid.

Kem Lingón 50:2

Lenwóten bè Bulul Sayun yóm bulul tódô ket du ktiloben, gónón gfan yóm tey keslinang Dwata.

Kem Lingón 135:21

Hol dóyón tekuy Dwata gu bè Sayun, yakà bè ni du bè Jirusalim gónóhen nô. Hol dóyón tekuy Dwata.