Kem Lingón 48:2 - Udél Dwata: Gna Kesfasad ne Lomi Kesfasad

² Yóm bulul hol geta alì tilob, tey kehligal yó kem tau bè klamangen benwu bè yóm kton le du. Yóm Bulul Sayun, kun Bulul Dwata, yóm kun syudad yóm Alì Geta.

Kem Lingón 48:2 Referans Kwoze

Kem Lingón 50:2

Lenwóten bè Bulul Sayun yóm bulul tódô ket du ktiloben, gónón gfan yóm tey keslinang Dwata.

Matyu 5:35

duhen ke tonok, abay se bè yó gónó Dwata hmótól tihen, duhen ke Jirusalim, abay se yó kun benwu yóm Dwata hol geta bè kdéen.

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

Isaya 14:13

Yó tehe atulem tói motun bè longit anì suem ta yó kem blotik hol geta yóm gónóm myón kmamal. Ofo kóm mon du ke angati myón kmamal bè yóm bulul fi bwak gónó le gel stifun yó kem dwata.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

Danyél 8:9

Lemwót bè yóm sotu bè nim fat kem hanga ni, wen sotu ngà hanga udì sut du ne tey kegbeken, tenfengen e subô ne fi dmata kdaw, lenngeben etu bè benwu Israél yóm benwu alì knóón.

Malakay 3:12

“Ne yó angat taba le kuy yóm kdéen tau bè klamangen benwu, kem tau tnóbóng Dwata yakà teyen knóón yóm benwu gónó ye nô,” udél yóm Dwata laen dù là gbeken du.

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Kem Lingón 76:2

Bè Jirusalim gónóhen nô, nô ta bè bulul Sayun gónóen.

Kem Lingón 87:3

Ó syudad Dwata, hol hnungolem yóm tey tilob udél Dwata etahem.

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Kem Lingón 135:21

Hol dóyón tekuy Dwata gu bè Sayun, yakà bè ni du bè Jirusalim gónóhen nô. Hol dóyón tekuy Dwata.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’