Kem Lingón 48:1 - Udél Dwata: Gna Kesfasad ne Lomi Kesfasad

¹ Tey geta yóm Dwata, knóón hol sendóyón bè yóm kun syudad yóm Dwata tekuy ta yóm kun bulul.

Kem Lingón 48:1 Referans Kwoze

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Kem Lingón 96:4

Tey mfasang yóm Dwata, tey knóón semdóyón du. Yake wen klikò kuy du senta yóm klikò kuy yó kem dwata kéng.

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Kem Lingón 145:3

Tey kegetahen yóm Dwata. Du se yóm knóón hol sendóyón. Yóm kegetahen, là gbek tau hmingón du.

Deng Hegfan 21:2

Ne tódô tonu se yóm tey Syudad Dwata, yóm lomi Jirusalim. Tódô htuntun gu tta lemwót gu bè Dwata. Hol lómón ktiloben yóm libun deng eles hegkes bè kyehenen.

Kem Lingón 87:3

Ó syudad Dwata, hol hnungolem yóm tey tilob udél Dwata etahem.

Deng Hegfan 19:5

Ominu mungol yóm mudél gu bè yóm gónón myón yóm fen kmamal, monen, “Dóyón tekuy dé Dwata, yu kem tau tóbóng lówóhen, dalang se yu kem tau gel kmikò du, lemwót bè yó kem tau hol geta kkólen bè yó kem tau hkawang.”

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Kem Lingón 87:1

Bè yóm bulul Dwata, bè yó gónón nô yóm syudad deng hefdaen.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

Kem Lingón 65:1

Ó Dwata, knóón bélê me ke hol dóyón me uu bè yóm kóm Bulul Sayun. Knóón ke dnohò me yó kem deng fasad me kóm,

Kem Lingón 47:8

Eles gel myón bè yó Dwata bè yóm gónón gel myón kmamal yóm klamangen benwu.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

Ubadaya 1:17

“Okóm yóm Bulul Sayun angat baling benwu gónó le e mlo yó kem tau Israél deng gewà ne angat baling benwu laen kô du belenen. Angat le gotu bud semfulék yó kem dù tau Israél na le e bud nwa yó kem tehe kul nfun.

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Kem Lingón 147:5

Tey kegetahen yóm Dwata tekuy. Ya tey kfasangen, laen dù gemsenged du. Yóm ketngónen yóm kdéen, là gbekem hmingón du.

Kem Lingón 30:1

Tey kdóyónu kóm, Dwata, lemwót bè yóm deng kehewaem dou. Là kói móyô ke gemmò le béléu yó kem hohonu.

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Kem Lingón 42:1

Tey khebel nawahu kóm, Dwata. Hol lómón ke yóm uhu mlóy, alì sidek kleengen mebel él.