Kem Lingón 47:2 - Udél Dwata: Gna Kesfasad ne Lomi Kesfasad

² Yóm Dwata gónó tekuy mogot, du se hol dandónen geta bè kdéen, yake hol wen klikò tekuy du. Du se yóm hol dandónen geta kmamal yóm klamangen.

Kem Lingón 47:2 Referans Kwoze

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Kem Lingón 95:3

Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.

Kem Lingón 47:7

Du se hol dandónen geta bè klamangen benwu. Hol dóyón tekuy mlan bè yó kem sngal.

Kem Lingón 68:35

Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.

Dwata 7:21

Yó gónóm mon, hol bê ye abay hlikò bélê le ni kem tau ni, yakà tendohen nô lem blóng ye yóm sana kuy Dwata hol gónó mogot. Du se yóm Dwata alì gembek, yóm Dwata hol knikò.

Kem Lingón 65:5

Ó Dwata, yóm gel lemwà kum, gel bnalaem se yóm kni me béléem mlan bè yóm kehegmoem kum bè kem hohon me. Tey dê hentaw ton nmoem mò gónóm lemwà kum. Gotu snalig le uu yó kem tau bè klamangen benwu. Balù yó kem tau fatu mohin, snalig le uu snéen kul.

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Kem Lingón 145:6

Angat gel sentulón yó kem tau yóm tey kegbekem, ne angat gel hbólu yóm tey kegetahem.

Kem Lingón 76:12

Sal gel heglaan Dwata yó kem ngà tau hol geta hegeta knô, ne du se knikò yó kem tau hol geta bè klamangen benwu.

Dwata 28:58

Ke là hteneb ye mimón du yóm kdê hlau Dwata kuy deng snulat bè nim bok ni, ne ke là knikò ye du yóm tey klinggel yóm kun boluy Dwata, yóm boluy bang gónó likò, yóm boluy yóm sana kuy Dwata hol gónó mogot,