Kem Lingón 43:3 - Udél Dwata: Gna Kesfasad ne Lomi Kesfasad

³ Hlayagem dou dé lanu. Hfungolem dou yóm ktahuhen lemwót béléem. Yóm layagem yó ne yóm ktahuhen lemwót béléem, yó mò fen semgalak dou mulék ebè Sayun, yóm kóm bulul, ne ebè yóm kóm Gónô bè yó.

Kem Lingón 43:3 Referans Kwoze

Kem Lingón 36:9

Uu se gónón tembul yóm kdéen mowil. Lemwót bè layagem, Dwata, gónó me lemwót mton.

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

Kem Lingón 119:105

Yóm kóm udél, Dwata, lómón ke solok tendo gónóhu galak, ne lómón ke layag mò hlayag lanu.

Kem Lingón 97:11

Yó nmò Dwata bè yó kem tau mimón du, sal gel wen layag bélê le, ne gel hefligalen yó kem tau tedeng nmò le.

Kem Lingón 84:1

Ó Dwata yóm Dwata laen dù là gbeken du, tey kbong nawahu du yóm kóm Gónô.

Kem Lingón 40:11

Tngónu, Dwata, là kô lensónem du yóm kkoduhem dou. Yóm kbong nawahem dou ne yóm kfihem dou, yó gónón laen dù hemenu.

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Mika 7:20

Angat hol hegfanem bè yó kem kóm tau yóm là konol nawam ebélê me ne yóm tey kbong nawahem kum, lómón yóm deng tehe fasadem bè yó kem tehe fù me ekni le Abraham ne Jakub.

Kem Lingón 57:3

Angat wen tóbóng hwiten gu bè longit mò lemwà dou, anì lenwaen ou bè yó kem tau tô malu hmatay dou. Hegfan Dwata béléu yóm là konol yóm kbong nawan dou ne yóm tey kteneben béléu.

Kem Lingón 3:4

Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

1 Tutul Israél 16:1

Duhen yó, nwit le yóm Slungan Dwata ebè yóm tolda deng eles hetfing Dabid mò gónón nô. Wen dsù hkekeb le ebè Dwata, ne bud wen se dsù le mò mit sefyu ebè Dwata.

1 Tutul Israél 16:39

Lemwót kul le Sadok ne yó kem dumuhen, fen sù Dabid lu bè yóm Gónô Dwata gel nit le mógów ta bulul Gibyun.

2 Samwél 15:20

Lomi ye kól bè ni se kuy, ne tô ye mung do tabag? Nim kógówu ni, là kô tngónu du gónów e mógów. Muléki, nwitem yó kem dumuhem. Dwata he hol hegfan du bélê ye yóm kbong nawahen kuy ne yóm là konol nawahen ebélê ye.”

1 Tutul Israél 21:29

Bè yóm kdaw yó, yóm gónô tmaba ebè Dwata gel nit le mógów, ne yóm gónó demsù tehe nmò Musis bè yóm benwu laen hol wen tauhen, tolo nô ta bulul Gibyun.

2 Samwél 15:25

Omin yóm tau hol geta mon du mò ke Sadok, “Nwit ye semfulék elem syudad yóm Slungan Dwata. Ke hyu nawa Dwata béléu, bud nwiten ou semfulék ebè Jirusalim, ne bud tonu nim Slunganen ni dalang se yóm gónóhen nô.

Kem Lingón 57:4

Tódô snibut le ou yó kem hohonu, hol lómó kmò le, lómón yó kem liyun alì bitil móyô msék tau. Yóm ktelem yó kem nihi le, hol lómón ktelem yó kem buyus ne yó kem hanak. Tey telem kudél le, hol lómón ktelem yó kem sudeng sbalà bak.