Kem Lingón 4:8 - Udél Dwata: Gna Kesfasad ne Lomi Kesfasad

⁸ Tey menek kegnómu du ke gele lemwót tungô, yakà tek són uu, Dwata, gónón laen dù hemenu bè yóm ktungóu.

Kem Lingón 4:8 Referans Kwoze

Kem Udél Hlalak Tehe Selumun 3:24

Ne ke soki lemwót tungô laen dù knikoem ne tilob ktungóem.

Kem Lingón 3:5

Lemwót bè yóm kofin Dwata dou gónón tilob ktungóu. Ne bè yóm kebtiku, laen kô dù hemenu.

1 Tisalunika 5:10

Yó se gónó Jisas fen matay anì gomong tekuy mowil béléen, senged se ke tolo te mowil bè yóm kkólen, duhen ke deng tekuy mlef.

Dwata 12:10

Ke deng nifal ye yóm Él Jurdan, angat tódô blay Dwata kuy yóm tonok yó mò hlós gónó ye henek nô. Du he tendo kemlung kuy bè kdê yó kem hohon ye anì menek kbenwu ye.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Deng Hegfan 14:13

Ne bud gungolu se yóm mudél gu bè longit, monen, “Ni snulatem. Hligal yó kem tau ke matay le bè yóm igò le lemolò yóm gónó le mogot.” Ne ominen mudél se yóm Tulus Dwata, monen, “Tahu se yó. Tey kehligal le kul, abay se deng le gehegnô bè yó kem blat tehe gel nmò le. Yakà dengen eles nô bélê le yóm ulék yóm hyu tehe gel nmò le yó.”

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.