Kem Lingón 4:7 - Udél Dwata: Gna Kesfasad ne Lomi Kesfasad

⁷ Wen tey kligal blayem dou mkay senta kligal yó kem tau bong halay tbas le ne bong tifas grép le.

Kem Lingón 4:7 Referans Kwoze

Isaya 9:3

Tey kligal blayem kul, Dwata. Tey kehefligalem kul. Hligal le lemwót bè yóm deng nmoem bélê le. Lómón kehligal le lómón kehligal yó kem tau muta ne lómón kehligal yó kem tau semsólól yó kem kimu negef le bè gida.

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Kem Lingón 43:4

Ke lómón yó nmoem béléu, Dwata, angate gógów ebè yóm gónó me gel demsù ebéléem. Tek són uu gónóhen lemwót yóm kligalu. Angate gel hemglung ne semngal mò lanu dmóyón kóm, Dwata. Uu se yóm Dwata dou hentahu.

Kul Nmò 14:17

Okóm lemwót bè kbuten, sal gel wen gónón hegfan du bè tau yóm hyu gel nmoen anì dilô tekuy. Du se fen gel hkulón ne gel htowok yó kem hulu tekuy anì mungu le bè yóm kul bulón gel kbungu. Du se mò du anì là élél tekuy ken, ne anì wen gónó tekuy gel hligal.”

Kem Lingón 92:4

Tey kehefligalem dou, Dwata, bè kdê yó kem deng gendengem béléu. Ke hendemu yó kem deng gendengem yó, botonge semngal lemwót bè kligalu.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Lista 6:25

Dwata he tendo tmóbóng kuy ne hegfan du bélê ye yóm tey kehyu nawahen.

Kem Lingón 31:17

Uu, Dwata gónów htóbóng. Hol hegmoem ou anì laen dù gónóhu myak. Okóm yó kem tau gel mò sidek, hol nmoem gónó le myak. Lusem lu ebè benwu yó kem tau deng matay,

Kem Lingón 67:2

anì yó, angat tngón le se kul yó kem tau bè klamangen benwu yóm kóyóem bélê le, ne angat tngón le se yóm lanem hewà kul.

Kem Lingón 80:4

Ó Dwata yóm Dwata laen dù là gbeken du, yóm hol gónó me mogot, kegenen de duen yóm là bud kebutem kum anì hnungolem yóm kni me ebéléem?